Festıvalge qatysýshylarǵa, sondaı-aq vıktorınalyq suraqtar, jastar úshin «Energııalyq tıimdi tehnologııalar álemindegi oıyndar» kvesti, konserttik baǵdarlamalar uıymdastyryldy. Sońynda aýqymdy fleshmob ótti. Aıta keteıik, uıymdastyrýshysy – BUU Damý baǵdarlamasynyń qoldaýymen Qoǵamdyq mańyzdy bar bastamalardy damytý qory bolyp tabylatyn festıval ótken aıdyń sońynda Astana qalasynan bastaý alǵan bolatyn. Astanadan keıin estafeta Shymkent qalasyna berilgen-di. Atalmysh is-sharaǵa OQO ákimi J. Túımebaev, Shymkent qalasynyń ákimi N. Saýranbaev, Qazaqstandaǵy Birikken Ulttar Uıymynyń turaqty ókiliniń keńesshisi I.Gorıýnova qatysty.
- Shymkent – Qazaqstannyń eń jasyl qalalarynyń biri. Qalamyzda saıabaqtar men gúlzarlar kóp. Buǵan qosa óńirimizde biregeı «Shatqal» baǵdarlamasy júzege asyrylýda. Ol baǵdarlama megapolısimizdiń aınalasynda jasyl beldeý qalyptastyrýga múmkindik beredi. Dál qazir biz osy baǵdarlama aıasynda boı kótergen qaladaǵy 11 saıabaqtyń birinde turmyz.
Aldaǵy ýaqytta osyndaı saıabaqtar damyp, Shymkent jasyl qala ataýyn odan ári nyǵaıta túsedi dep senemiz», – dedi 38 gektar aýmaqty alyp jatqan shatqaldaǵy aǵash otyrǵyzý is-sharasyna qatysqan oblys ákim.
«Birge jarqyraımyz!» festıvaliniń estafetasy Aqtóbe qalasyna joldandy.
Erkin DOSYMBAI,
Ońtústik Qazaqstan oblysy
