L.N.Gýmılev atyndaǵy Eýrazııa ulttyq ýnıversıtetinde ótken ǵylymı semınarǵa qoǵam qaıratkerleri jáne elimizdiń ár aımaǵynan kelgen ǵalymdar men stýdentter qatysty.
Májilis Tóraǵasynyń orynbasary Vladımır Bojko atalǵan forýmǵa qatysýshylarǵa Memleket basshysynyń qoǵamdyq sanany jańǵyrtýǵa baılanysty tapsyrmalary saıası jáne ekonomıkalyq jańǵyrý men damýdyń negizgi irgetasy bolatyndyǵyn atap ótti.
– Prezıdenttiń bastamalary barsha qazaqstandyqtardyń múddesine saı keledi. Halyqtyń turǵyn úı jaǵdaıyn jaqsartý, salyq júktemesin azaıtý, sapaly jáne zamanaýı suranysqa saı keletin joǵary bilim berý, kásipkerlik bastamalardy damytýǵa múmkindik jasaý, óńirlerdi gazdandyrý jobalary halyqtyń muqtajdyǵyn óteýge arnalǵan, – dedi V.Bojko.
Semınarǵa qatysýshylar Prezıdent bastamalarynan týyndaıtyn ózge de oń ózgerister jaıynda pikirlerin bildirdi. Máselen soltústik óńirlerdi gazdandyrý aımaqtyń ekologııalyq ahýalyna da oń áserin tıgizbek. Osy máselege baılanysty sarapshylar halyqtyń ál-aýqatynyń aıtarlyqtaı jaqsaratyndyǵyn boljap otyr.
Parlament depýtattary Prezıdenttiń bastamalary búkil álem kúrdeli ekonomıkalyq kúızelisti bastan keship, áleýmettik baǵdarlamalary keıinge shegerilip jatqan shaqta qolǵa alynǵanyn erekshe atap ótti.
Eń bastysy, elimizdegi basymdyqtardyń aldyńǵy leginde halyqtyń áleýmettik jaǵdaıyn jaqsartý máselesi turatyndyǵy aıtyldy.
Semınarǵa qatysýshylar Prezıdent basymdyq bergen salalardy aıta kele, L.N.Gýmılev atyndaǵy Eýrazııa ulttyq ýnıversıtetindegi Qazaqstan halqy Assambleıasy kafedrasy fılıaldarynyń mańyzdylyǵyna da toqtalyp ótti. Máselen, qazirgi ýaqytta kafedranyń bólimsheleri Astana qalasyndaǵy Eýrazııa gýmanıtarlyq ınstıtýty men №22 jáne №48 mektepterde ashylǵan.
Onlaın rejimde ótken semınar barysynda Almaty jáne Pavlodar qalalarynan baılanysqa shyqqan Qazaq memlekettik qyzdar pedagogıkalyq ýnıversıteti jáne S.Toraıǵyrov atyndaǵy Pavlodar memlekettik ýnıversıteti janyndaǵy QHA kafedrasynyń meńgerýshileri Georgıı Kan men Sáýle Mamytova ultaralyq jáne konfessııaaralyq kelisimniń mańyzdy tustaryn sóz etti.
Sondaı-aq forýmdy Qyzylorda, Petropavl, Qostanaı, Taraz, Kókshetaý qalalaryndaǵy birqatar joǵary oqý oryndarynyń oqytýshylary men stýdentteri kórip otyrdy.
Jıyn barysynda Májilis Tóraǵasynyń orynbasary el ishinde Prezıdent bastamalaryna ǵylymı turǵyda qoldaý kórsetý úshin Qazaqstan halqy Assambleıasy kafedralarynyń ǵylymı áleýetterin tolyqtaı qoldaný kerektigin jetkizdi.
Serik ÁBDIBEK,
«Egemen Qazaqstan»
