Qaladaǵy «Tramvaı basqarmasy» AQ qoldaýymen tramvaılarda S.Toraıǵyrov atyndaǵy oblystyq kitaphananyń «QR-kitaphanasy» mobıldi qosymshasy tanystyrylýda.
Maqsat – jergilikti aqyn-jazýshylardyń, tarıhshylar men ólketanýshylardyń týyndylaryn tanystyratyn elektrondy resýrs qurý. QR-kitaphanadan óńir tarıhy, ekologııasy, áleýmettik-ekonomıkalyq jaǵdaıy týraly alýǵa bolady. Kitaphana qyzmetinde de sıfrlandyrý júıesi júrgizilip, sırek, qundy týyndylar kóshirilýde.
Kitaphananyń málimetinshe, qaladaǵy 16 tramvaıda jeke QR-kodtary bar qazirgi zaman jazýshylary, qazaq ádebıetiniń klassıkteri, aqyn-jazýshylardyń kitaptary berilgen plakattar ornalastyrylǵan. Qurylǵy jańa jáne jyldam jańartylyp otyrady. Ártúrli jastaǵy oqyrmandar da kitaphana qyzmetterin paıdalana alady.
Tramvaı jolaýshylary mobıldi qosymshanyń kómegimen unaǵan kitapty elektrondy nusqada júkteı alady. Bul úshin QR Code Reader nemese ınternet–saıttardyń basqa da tegin qosymshalaryn paıdalanyp, tańdalǵan kitaptaǵy QR-kodty skanerleý qajet.
Farıda Byqaı
«Egemen Qazaqstan»
Pavlodar
Sýretti túsirgen: Maral Tájenova
