Kezdesý barysynda Memleket basshysyna 2017 jyldyń qorytyndylary boıynsha ekonomıkalyq damý kórsetkishterine jasalǵan taldaý nátıjeleri jóninde málimdelip, mınıstrliktiń qyzmeti týraly esep berildi.
Nursultan Nazarbaev memlekettik baǵdarlamalardy ázirleý jáne iske asyrý barysynda strategııalyq josparlaý men boljam jasaýdyń mańyzdylyǵyn atap ótti.
– Barlyq sharalar Qazaqstan ekonomıkasyn damytý úshin júzege asyrylýǵa tıis. Memlekettik baǵdarlamalardyń, sonyń ishinde «Bes áleýmettik bastamanyń» iske asyrylý barysyn zertteý qajet. Ulttyq ekonomıka mınıstrligi ortalyq jáne óńirlik deńgeıdegi barlyq memlekettik organdardyń qadamdaryn aıqyndaýy kerek, – dedi Qazaqstan Prezıdenti.
Tımýr Súleımenov Memleket basshysyna bıylǵy birinshi toqsanda qol jetkizilgen ekonomıkalyq damý nátıjeleri jáne ekonomıkamyzǵa jalpy álemdik úderisterdiń tıgizip otyrǵan áseri jóninde baıandady.
Kezdesý sońynda Elbasy birqatar naqty tapsyrma berdi, sonyń ishinde Qazaqstannyń eksporttyq jáne tranzıttik áleýetin odan ári damytý, memlekettik jáne salalyq baǵdarlamalardy ári qaraı iske asyrý jóninde aıtty.
