EKSPO-2017 • 16 Sáýir, 2018

EKSPO nysandary tıimdi paıdalanylady

82 retkórsetildi

BAQ ókilderine uıymdastyrylǵan press-týrda «Astana EKSPO-2017» UK» AQ Basqarma Tóraǵasynyń orynbasary Vladımır Lıýtov jýrnalısterdi kórme nysandarynyń qaıta qurastyrý jónindegi aýqymdy jumystarymen, sondaı-aq, Ulttyq kompanııanyń EKSPO-2017 murasyn damytýdaǵy basty mindetterimen tanystyrdy.

«Búgin, Elbasymyz N.Nazarbaev «Astana EKSPO-2017» Ulttyq kompanııasyna kórme nysandaryn tıimdi jáne laıyqty qoldaný, sondaı-aq, EKSPO-2017 kórmesin ótkizý tájirıbesin ekonomıkanyń barlyq salalarynda paıdalaný týraly naqty mindetter qoıdy», dep atap ótti Vladımır Lıýtov.

Vladımır Lıýtovtyń aıtýynsha, EKSPO IT-tehnologııalar, startaptar ınnovasııalyq alańy bolýy kerek. Qoıylǵan mindetterdiń aıasynda EKSPO aýmaǵynda AHQO, «Astana Hub», Halyqaralyq «jasyl» tehnologııalar ortalyǵy, IT-ýnıversıtet sııaqty aýqymdy jobalar iske asyrylmaq.

Sondaı-aq, kórme kezinde korporotıvtik pavılon ornalasqan C4.6 pavılonynda da qalpyna keltirý jumystary júrip jatyr. Qaıta qurastyrý jumystaryna deıingi aýdany – 5 myń sharshy metrdi, keıin – 9,6 myń sharshy metrdi quraıdy. Bul pavılonda «Astana Hub» Halyqaralyq IT-startaptar tehnoparkin ornalastyrý josparlanyp otyr. Onda dárishanalar, konferens-zaldar, vırtýaldy aqıqat jobalaryn óńdeý zerthanalary, sondaı-aq, «Astana Hub» seriktesteri men ákimshiligi úshin keńseler qarastyrylmaq. Qurylys jumystary ústimizdegi jyldyń 1 shildesine deıin aıaqtalady dep josparlanýda.

«Astana Hub» jobasy «Sıfrlyq Qazaqstan» memlekettik baǵdarlamasynyń quramdas bir bóligi. Dál osy ortalyqta keıin sıfrlandyrýdyń júzege asyrylýyna óz úlesin qosatyn qyzyqty jáne biregeı strataptar dúnıege kelmek.

Sondaı-aq, S3 jáne S4 pavılondaryn qaıta qurastyrý jumystary júrip jatyr. Kórme kezinde onda halyqaralyq pavılondar ornalasqan bolatyn. Keler jyly bul ǵımarattarda «Astana» Halyqaralyq qarjy ortalyǵy ornalasady dep josparlanýda.

AHQO kesheniniń ǵımarattary BRIAM (BREEAM) ǵımarattardy ekologııalyq tıimdi baǵalaý ádisimen sertıfıkattalmaq. Bul tirshilik áreketiniń qaýipsizdik aspekti, qorshaǵan ortaǵa áseri men jaılylyqtyń joǵary sapaly standarty.

Qaıta qurastyrý jumystary aǵymdaǵy jyldyń aıaǵyna deıin aıaqtalmaq.

Basqa eki halyqaralyq pavılonda IT-ýnıversıtet pen zamanaýı bıznes-ortalyǵy jaıǵastyrylmaq. Eki pavılonnyń qaıta qurastyrý jumystaryna deıingi aýdany – 47,6 myń sharshy metrdi, keıin – 72,3 myń sharshy metrdi quraıdy.

EKSPO aıasynda IT-ýnıversıtettiń ornalasýy men ashylýy beker emes, sebebi, ýnıversıtet elimizdiń sıfrlyq ekonomıkasyna joǵary bilikti mamandardy daıyndaýmen aınalyspaq. Bıznes-ortalyq birinshiden AHQO maqsaty men mindetterine qaraı baǵyttalady. Onda iri halyqaralyq uıymdar men qarjy ınstıtýttary, sondaı-aq, AHQO rezıdent-kompanııalary ornalastyrylady.

Elbasynyń bastamasymen EKSPO negizinde, atap aıtqanda «Úzdik tájirıbeler aımaǵy» pavılonynda Halyqaralyq «jasyl» tehnologııalar ortalyǵy qurylmaq. Ekspozısııalardyń bir bóligi «Úzdik tájirıbeler aımaǵy» aıasynda saqtalyp qalsa, ekinshisi «Nur Álem» pavılonyna aýystyrylmaq. Osylaısha, biz EKSPO murasyn saqtap qalamyz. Qaıta qalpyna keltirý jumystaryna deıingi aýmaǵy – 3115 sharshy metr, al keıingi – 4,6 myń sharshy metrdi quraıdy.

Qala turǵyndary men qonaqtary asa qyzyǵýshylyq tanytyp otyrǵan «Nur Álem» pavılonyna jańa kontent engizý aıasynda jumystar atqarylyp jatyr.

Pavılondardy qaıta qurastyrý jumystarynan bólek biz 6 ga quraıtyn kórme aýmaǵynyń abattandyrý jáne kógaldandyrý jumystaryn qarqyndy júrgizip jatyrmyz. Osylaısha, «Táýelsizdik» monýmenti jaǵynan park aýmaǵy jalǵastyrylmaq. Park aýmaǵy kezinde Sırk dıý Soleı, Amfıteatr, Shell pavılony ornalasqan alańda ornalasady.

Aýqymdy qurylys jumystarynyń júrgizilýine qaramastan, Astana kúnine oraı EKSPO aýmaǵynda qonaqtardyń dem alýyna barlyq múmkindikter jasalady.

Pavılondardy jaǵalaı býlvar ashylmaq. Munda kórme kezinde kelýshiler men týrısterdiń kóńilinen shyqqan jalyndy sý burqaqtar shoýy jumys isteı bastaıdy. Shaǵyn dámhanalar men meıramhanalar da jańa maýsymǵa daıyndyqtaryn bastap ketti. Oǵan qosa, balalarǵa arnalǵan, sonyń ishinde erekshe suranysty talap etetin balalarǵa beıimdelgen oıyn alańdary jumys isteıtin bolady.

Sondaı-aq, jazǵy jáne kúzgi maýsymǵa aýqymdy mádenı oıyn-saýyq sharalary josparlanyp qoıdy. Konserttik baǵdarlamalardy ótkizý úshin ashyq sahna jumys isteıtin bolady. Qonaqtarymyzdy tosyn jaıttar men súıikti álemdik juldyzdarymen kezdesýler kútýde.

Sońǵy jańalyqtar

Almaty jasyl qalaǵa aınalady

Ekologııa • 17 Qańtar, 2020

Elimizde UFC TV telearnasy iske qosyldy

Sport • 17 Qańtar, 2020

Tátti ómirdi tárk etkender (vıdeo)

Vıdeo • 17 Qańtar, 2020

Kókshetaýda beti ashyq qudyq kóp

Aımaqtar • 17 Qańtar, 2020

Shymkentte Poezııa minberi ashyldy

Rýhanııat • 17 Qańtar, 2020

Bulandydaǵy berekeli is

Aımaqtar • 17 Qańtar, 2020

Mal baqqanǵa bitedi...

Aımaqtar • 17 Qańtar, 2020

Batys Qazaqstanda jańa jobalar maquldandy

Aımaqtar • 17 Qańtar, 2020

Kýveıt týrnırinde top jardy

Sport • 17 Qańtar, 2020

Gran-prı jarysyna qatysady

Sport • 17 Qańtar, 2020

Ekinshi qolany qorjynǵa saldy

Sport • 17 Qańtar, 2020

Atqa miný mádenıetin nasıhattady

Qoǵam • 17 Qańtar, 2020

Mammografııanyń ornyna tomosıntez keldi

Medısına • 17 Qańtar, 2020

Tekeli – eńbekshiler mekeni

Aımaqtar • 17 Qańtar, 2020

Jer ıesin tapsa ıgi

Aımaqtar • 17 Qańtar, 2020

О́zara teń dárejeli áriptestik

Qoǵam • 17 Qańtar, 2020

Qala mańyndaǵy mekender damıdy

Aımaqtar • 17 Qańtar, 2020

Shahar qurylysyna úles qosqym keledi

Qoǵam • 17 Qańtar, 2020

Mańyzy joǵary jaıttar qozǵaldy

Parlament • 17 Qańtar, 2020

Ǵasyrlarǵa ulasar uly tuǵyr

Rýhanııat • 17 Qańtar, 2020

«Ádilet, shapqat kimde bar...»

Rýhanııat • 17 Qańtar, 2020

Uqsas jańalyqtar