Foto: Irına Sychına
Metallýrgııalyq zaýyt hrom, kremnıı, marganes qorytpalaryn óndiredi. 35 mıllıondyq tonnany qorytýdyń №2 balqytý sehynyń 21-pesh brıgadasy oryndady. Qorytpa zaýyttan shyǵyp shetelge jiberiledi. Japonııada, Koreıada, Qytaıda, Eýropada, AQSh-ta jáne Reseıde suranysqa ıe.
Kompanııa 3,7 mln tonna taýarly hrom kenin, 320 myń tonna marganesti kenin jáne jylyna 1,4 mln tonna ferroqorytpa óndiredi. «Qazhrom» TUK» AQ tórt qurylymdyq bólimshe-fılıaldardan turady: Dóń taý-ken baıytý kombınaty (Aqtóbe oblysy, Hromtaý q.), «Qazmarganes» ken basqarmasy (Qaraǵandy oblysy), Aqsý ferroqorytpa zaýyty (Pavlodar oblysy) jáne Aqtóbe ferroqorytpa zaýyty (Aqtóbe oblysy). Kompanııa qyzmetkerleriniń sany 19000 adamdy quraıdy.
- Eýrazııalyq Toptyń ınvestııalyq saıasaty Aqsý ferroqorytpa zaýytynyń álemdik naryqtaǵy kóshbasshylyǵyn saqtap qalýǵa múmkindik beredi. О́ndiristi jańǵyrtý jumysy turaqty túrde iske asyrylýda, - deıdi zaýyt dırektory Sergeı Prokopev.
35 mıllıondyq qorytpa óndirgen kúni Mymbaı Týlev, Valentın Kıreev jáne Qadyrbaı Baqradenov jáne basqa da zaýyt ardagerleri is-sharaǵa shaqyrylypty. Qorytpa ferrohromnyń mereıtoılyq kesegi zaýyt mýzeıine tabys etildi. Búginde ERG ferrohrom óndirý jóninen jáne temir kenin jetkizýshi álemdik kompanııaǵa aınaldy. Eýrazııalyq Top álemdegi alıýmınıı shıkizatyn óndirýshi kompanııalardyń ondyǵyna kiredi.
Farıda BYQAI,
«Egemen Qazaqstan»
Aqsý qalasy ,
Pavlodar oblysy
