Shara "Rýhanı jańǵyrý" baǵdarlamasynyń "Tárbıe jáne bilim" jobasy aıasynda uıymdastyryldy. Jıyn «Murajaı– arman shyraǵy, bilimniń káýsar bulaǵy» atty ekspozısııa jáne oqytý-tárbıe baǵytynda qoldanylatyn jádigerler kórmesimen ashyldy. Bilim oshaqtaryndaǵy mýzeılerde saqtaýly turǵan eksponattar kópshilik nazaryna usynyldy. О́ńirimizdiń túkpir-túkpirinen kelgen ul-qyzdar tarıhı mańyzy erekshe jádigerler jaıly jan-jaqty maǵlumattar berdi. Esil aýdany Aıaǵan Shájimbaev atyndaǵy №3 Iаvlenka orta mektebiniń shákirtteri qundy dúnıelerdi muǵalimderimen birge daıyndapty. Aq samaýyr, shoqpar men at ábzelderin aýdan turǵyndarynan jınastyrypty. Kıiz úıdiń jabdyqtary da ásemdigimen kóz tartady.
Budan keıin forým «Qazaqstan–Máńgilik El!» horegrafııalyq-kompozısııalyq sharasyna jalǵasyp, rýhty kóteretin shyǵarmashylyq kórinister qoıyldy. "Rýhanı jańǵyrý" baǵdarlamasy aıasynda atqarylǵan jumystar qorytyndylandy. Mektep oqýshylarynyń boıyna ulttyq qundylyqtarymyzdy, otanshyldyq qasıetterdi uıalatýda mektepterde jumys isteıtin murajaılardyń róli aıryqsha. Bul jóninde bilim basqarmasynyń basshysy Gúlmıra Kárimova baıandap berdi.
Byltyr 30 myń ul-qyz ekskýrsııaǵa shyǵyp, elimizdiń tarıhı jerlerin aralap qaıtypty.
«Kıeli jerler kartasyna óńirden 19 nysan enip otyr. Olardyń altaýy respýblıkalyq mańyzǵa ıe. Oqýshylardyń qatysýymen oblys ómirine qatysty kóptegen qujattar tabyldy. Jaz aılarynda arheologııalyq eskertkishterge baryp qazba isterimen de aınalysady. «Týǵan jerge taǵzym» aksııasy sheńberinde 126 shara ótti. Qazir bilim oshaqtarynda 220 murajaı ornalasqan», deıdi»Rýhanı jańǵyrý» óńirlik jobalyq keńseniń meńgerýshisi Janar Talaspaeva.
О́mir ESQALI,
«Egemen Qazaqstan»
