Atyraýlyq jas sportshylar ıspandyq klýb jattyqtyrýshylarynyń joǵary baǵasyna ıe bolǵan. Buqaralyq sportty damytýǵa baǵyttalǵan qadam taǵy bir tyń sharamen jalǵaspaq. 30 sáýirde Atyraýda alǵashqy jappaı qaıyrymdylyq velojarysy ótedi.
-Velojarys aıasynda qaıyrymdylyq jármeńkesi men aýksıon uıymdastyrylady. Onda «Astana» velokomandasynyń baǵaly lottary satylymǵa shyǵarylady. Satylymnan túsken aqshalaı qarajat olımpıadalyq rezervtegi balalar-jasóspirimder sport mektebiniń velosport bólimin sporttyq jabdyqtarmen qamtýǵa jumsalady. Velosport bóliminde 10 men 16 jas aralyǵyndaǵy 80-ge jýyq sportshy dáris alady, - deıdi atalǵan qoǵamdyq qordyń ókili Tańat Nurshın.
Sharaǵa «Astana» velokomandasy músheleri, velosporttan olımpıada chempıondary Aleksandr Vınokýrov pen Zýlfııa Zabırova, aýyr atletıkadan álemniń birneshe dúrkin chempıony Ilıa Ilın jáne atyraýlyq 1000-ǵa jýyq velosportsúıer qaýym qatysady dep kútilýde. Mahambet atyndaǵy oblystyq akademııalyq qazaq drama teatry aldyndaǵy alańnan bastalatyn 9 shaqyrym jolda kimniń oza shabary ázirge belgisiz, tirkelý bastaldy.
Baqytgúl BABASh,
«Egemen Qazaqstan»
ATYRAÝ
