Qos boksshy arasyndaǵy jekpe-jek 5 mamyr kúni Karsondaǵy (Kalıfornııa shtaty, AQSh) StubHub Center arenada ótedi.
«HBO-ǵa qaıta shyǵyp, StubHub Center-diń alańynda judyryqtasatynyma qýanyshtymyn. Sebebi olardyń tamasha boks fanattary bar. Men óz jankúıerlerime taǵy bir Big Drama Show-dy syılaımyn», - dedi G.Golovkın.
Vanes Martırosıannyń shyqqan tegi armııan boksshy. Tórt jasynda otbasy AQSh-qa kóshken. Al bokspen jeti jasynan bastap shuǵyldana bastaǵan. Ákesiniń ózi áýesqoı boksshy bolǵan. Aýyz toltyryp aıtarlyqtaı jetistikke jetpese de, bolashaǵynan úlken úmit kútýge bolatynyn baıqatqan. Áýesqoı boksta barlyǵy 130 kezdesý ótkizip, 120-da jeńiske jetken.
2005 jyly nebári 20 jasynda kásipqoı boksqa aýysady. Alǵashqy qurlyqtyq chempıondyq jekpe-jegin 2009 jyly ótkizgen.
Vanes Martırosıan osyǵan deıingi jekpe-jekterin birinshi orta salmaqta ótkizgen. 33 kezdesýde eshkimge ese jibermegen. 2012 jyly kýbalyq Erıslandı Laramen teń túsedi. Araǵa bir jyl salyp amerıkalyq Demetrıýs Andradege upaı aıyrmasymen jol berip, alǵash ret jeńiledi.
2015 jyly otandasy Djermell Charlodan jeńilgen. 2016 jyly kýbalyq Erıslandı Laramen ekinshi kezdesý ótkizip, upaı aıyrmasymen jol bergen. Odan bergi eki jylda sharshy alańǵa shyqpaǵan.
