Basqa basylymdardan. Túrkııada kezekten tys saılaý ótedi

DAILY NEWS

Túrkııa Prezıdenti Rejep Taııyp Erdoǵan elde kezekten tys prezıdenttik jáne parlamenttik saılaý ótetinin málimdedi. Ol Ulttyq qozǵalys partııasynyń basshysy Devlet Bahchelımen kezdeskennen keıin osyndaı sheshim qabyldaǵan. 

Prezıdenttik saılaý keler jyly ótýi tıis bolatyn. Alaıda memleket basshysynyń sheshimimen is-shara 2018 jyldyń 24 maýsymyna josparlanyp otyr. 

«Biz Bahchelı myrzanyń usynysyn jan-jaqty talqyladyq. Bul ótinimge oń jaýap berý retinde saılaýdy erterek ótkizýdi uıǵardyq. Kezekten tys saılaý Túrkııanyń ishki jáne syrtqy máseleleriniń kúsheıýi barysynda kezdesetin kedergilerdi joıýǵa kómektesedi», dedi R.Erdoǵan. 

Hurriet Daily news agenttiginiń paıymdaýynsha, prezıdenttik modelge kóshýde aldaǵy saılaýdyń mańyzy zor. Al memleket basshysynyń pikirinshe, merziminen buryn saılaý ótkizý el bolashaǵy úshin qajet.

 «Prezıdent pen úkimet barynsha yntymaqtasa jumys istegenine qaramastan, eski júıe ár qadam saıyn aldymyzdan shyǵa beredi. Sırııadaǵy jáne basqa aımaqtardaǵy jaǵdaıdyń órshýi jańa basqarý júıesiniń qajettiligin kórsetti. Sondyqtan elimizdiń bolashaǵy úshin naqty qadamdarǵa barýymyz kerek», dedi R.Erdoǵan halyqqa úndeýinde. 

Birinshi aınalymda 50 paıyzdan astam daýys jınaǵan kandıdat jeńimpaz bolyp sanalady. Eger eshbir úmitker bul mejeni baǵyndyra almasa, kóp daýys jınaǵan ekeýi eki aptadan keıin ekinshi kezeńde saılaýǵa qaıta túsedi. 

Ázirge Ádilet jáne damý partııasy (AKP) men Ulttyq qozǵalys partııasynyń alıansy atynan saılaýǵa kim túsetini resmı aıtylǵan joq. Alaıda Túrkııa buqaralyq aqparat quraldary da, batys medıasy da qazirgi prezıdent R.Erdoǵannyń kandıdat atanatynyna senimdi. Alda-jalda ol saılaýda jeńiske jetse, eldi 2023 jylǵa deıin basqaryp, ekinshi márte qaıta saılaný quqyǵyna ıe bolady. 

THE TELEGRAPH

Serj Sargsıan premer-mınıstr bolyp taǵaıyndaldy

Ulttyq jınalystyń arnaıy jıynyn­da Armenııanyń burynǵy prezıdenti Serj Sar­gsıan premer-mınıstr bolyp taǵaı­yn­daldy. Ony qoldap 77 depýtat daýys berse, 17-si qar­sy­lyq bildirgen. 

Buǵan deıin 2015 jyly Armenııada kons­tıtýsııaǵa ózgerister engizilip, el basqarý prezıdenttik bılikten parlamenttik júıege aýysqan bolatyn. Soǵan sáıkes premer-mınıstr el tizginin ustaıdy. Al prezıdent jeti jyl­ǵa ǵana saılanady. 

Aıta ketý kerek, S.Sargsıan 2008-2018 jyl­da­ry Armenııanyń prezıdenti qyzmetin at­qar­ǵan bolatyn. Jańa prezıdent bolyp Armen Sarkısıan taǵaıyndaldy. S.Sargsıannyń premer-mınıstr retinde saılanýy is júzinde onyń el tizginin ýysynan shyǵarmaǵanyn kór­se­tedi. 

Bılik júıesiniń ózgerýi myńdaǵan adamnyń she­rýge shyǵýyna túrtki boldy. Olar el astana­sy Erevannyń ortalyǵynda narazylyǵyn bil­dirip, úkimet ǵımarattaryna kirýge múmkin­dik bermegen. 

Oppozısııa basshysy Nıkol Pashınıan «beıbit barqyt revolıýsııasyna» shaqyryp, óz jaqtastaryn búkil elde revolıýsııalyq áreketke úndedi. Seısenbi kúni ortalyq alańǵa qyryq myń adam jınalǵan edi. Mundaı úlken kólemdegi sherý Armenııa tarıhynda buryn-sońdy bolmaǵan. Áıtse de kún ótken saıyn narazylyq bildirýshilerdiń qarasy azaıyp keledi. 

The Telegraph gazeti sherýshiler qazirgi bıliktiń túbegeıli ózgerýi qajet dep talap qoıǵanyn aıtady. Bılik ókilderi sherýdiń zańsyz ekenin alǵa tartyp otyr. Olar taratqan aqparatqa qaraǵanda, keıbir belsendi top ókil­deri ustalǵan kórinedi. 

Armenııadaǵy jaǵdaıǵa baılanysty sarap­shylardyń pikiri ekige jaryldy. Biri Serj Sargsıandy aıyptasa, kelesisi sherý uıym­dastyrýshy Nıkol Pashınıannyń áreketi negiz­siz ekenin aıtyp otyr.