Aqmola oblysynda latyn álipbıine kóshý týraly semınar ótti

Aqmola oblystyq tilderdi damytý basqarmasy Memlekettik tildi damytý qorymen birlesip «Latyn áripine kóshý – qazaq tilin damytý men jańǵyrtý joly» atty semınar ótkizýi sonyń dáleli.

Sharanyń birinshi kezeńinde óńir stýdentteri men jastar qoǵamdyq birlestikteriniń ókilderi, qazaq tili men ádebıeti pániniń muǵalimderi, aýdarmashylar men ǵalymdar bas qosty. Al mektep ustazdary men 9-11- synyp oqýshylaryn qamtyǵan semınardyń ekinshi kezeńi № 3 Krasnyı-Iаr kóp salaly orta mektep-gımnazııasy qabyrǵasynda júr­gizildi. Is-shara barysynda smart­fon jáne planshetterge (Android jáne IOS platformala­ry úshin) arnalǵan latyn árip­terimen qazaqsha pernetaqta «Qazaq Latyn Keyboard» jańa jobasynyń tusaýkeseri jasaldy.

Sharany Aqmola oblystyq til­der­di damytý basqarmasynyń bas­shy­sy Maral Jaqypova júr­gizip otyr­dy. Memlekettik tildi damytý qo­rynyń dırekto­ry Azat Sháýeevtiń oryndy es­ker­tpeleri men utymdy usy­nys­tary yjdaǵattylyqpen tyń­daldy. Budan keıin sóz alǵan Qa­zaqstan jazýshylar odaǵy Astana qalasy fılıalynyń dı­rek­­tory, «Mádenıet» por­ta­lynyń bas redaktory Baý­yrjan Qaraǵyzulynyń, qor jobalarynyń úılestirýshisi Áset Ospanovtyń jáne Sh.Ýálıhanov atyndaǵy Kókshetaý memlekettik ýnıversıteti qazaq fılologııasy kafedrasynyń aǵa oqytýshysy, gýmanıtarlyq ǵylymdar magıstri Laıs Mýsınniń baıandamalary tyńdaldy. Sondaı-aq qatysýshylar úshin Aqmola oblysy arhıvter men qujattamalar basqarmasynyń «Qazaq latyn álipbıi tarıhynyń arhıv qujattary» taqyrybynda jáne Aqmola oblysynyń bilim jáne mádenıet basqarmasynyń «Latyn álipbıine kóshý – zaman talaby» taqyrybyndaǵy kórmeleri uıym­­dastyryldy. Atalǵan kór­me­ge latyn grafıkasy jóninde mer­­zimdi basylym betterinde ja­­ryq kórgen maqalalar, zııaly qaý­­ym oı-pikirleri, 1929-1940 jyl­­dar aralyǵyndaǵy qazaq ja­zýy­nyń latyn grafıkasynda ke­ńinen qoldanylǵanyn rastaıtyn muraǵattyq qujattary, bi­lim sa­lasyndaǵy sońǵy ınnova­sııa­lar qoıyldy. Is-shara so­ńyn­da ob­lystyq tilderdi damytý bas­qar­masy daıyndaǵan óńirdegi jas aqyndardyń ónerin kórsetetin úsh beınerolıktiń tusaýkeseri ótkizildi. 

Asqar TURAPBAIULY,
«Egemen Qazaqstan»

Aqmola oblysy