Oqýshylar «Kórkem sóz oqý», «Aqyndar músháırasy», «Sheshendik óner», «Aqyndar aıtysy», «Shyǵarma jazý» jáne «Ulttyq aspapta oınaý» sııaqty baǵyttarynda baıqaýda óner kórestti. Elimizdiń barlyq óńirlerinen 90 oqýshy keldi. Oblys ortalyǵyndaǵy «Ertis daryny» bilim ortalyǵynyń habarlaýynsha, bizdiń óńirden 8 oqýshy qatysyp, 5-ýi júldeli boldy. Y.Altynsarın atyndaǵy gımnazııa-ınternatynyń 10 synyp oqýshysy Ábdiraıymov Erdáýlet «Aqyndar músháırasy» bólimine qatysyp, júldeger atansa, Orazbaı Marlen O.Bókeıdiń «Ataý kere» romanynan úzindi oqydy, 11 synyp oqýshysy Sarybaı Qudyret Aqtobe oblysynyń aıtyskerimen aıtysty. Al, Abaı atyndaǵy mektebiniń 9 synyp oqýshysy Aıshat Baqytova oryndaý sheberligin kórsetip, birneshe kúı oryndap berdi.
Baıqaý qorytyndysynda oqýshylarǵa 14 grant taǵaıyndaldy, A.Iаssaýı atyndaǵy Halyqaralyq qazaq-túrik ýnıversıteti-10, Qaraǵandy qalasy «Bolashaq» akademııasy-3 jáne Pavlodar memlekettik pedagogıkalyq ýnıversıteti-1 bóldi. A.Iаssaýı atyndaǵy ýnıversıtetiniń grantyna sheshendik ónerimen kózge túsken oblys ortalyǵyndaǵy Y.Altynsarın atyndaǵy gımnazııa-ınternatynyń 11 synyp oqýshysy Janbaý Marǵulan ıe boldy.
Baıqaý aıasynda Eýrazııa ulttyq ýnıversıtetiniń professory, aıtysker aqyn, qazylar alqasynyń tóraǵasy Amanjol Áltaı jas aqyndarymen kezdesti. Qonaqtar, baıqaýǵa kelgen oqýshylar qaladaǵy «Batýr mall» oıyn-saýyq ortalyǵyn aralady, zııatkerlik oıyndar men bı keshterine qatysty.
Farıda Byqaı,
«Egemen Qazaqstan»
Pavlodar
Sýretterdi túsirgen Nurlan Qasenov
