Bul mektep bazasynda ashylǵan kabınet aýdandaǵy Balalar shyǵarmashylyǵy úıine qarasty bolady. Kabınette oqýshylardyń aqparattyq tehnologııamen aınalysýyna qajetti barlyq quraldar ornalastyrylǵan.
«Munda balalar olımpıadaǵa daıyndalý úshin, ózderi izdenip túrli baǵdarlamalar jasaýy, elektronıkamen aınalysýy úshin qajetti quraldardyń barlyǵy da bar. Jaqynda mekteptiń eki muǵalimi arnaıy kýrstan ótip, sertıfıkat alatyn bolady. Sodan keıin olar osy kabınetti sabaqqa da paıdalanady. Oqýshylar barynsha jeke izdenip, ǵylymı jumystarǵa tartylady», deıdi aýdandyq oqý biliminiń ádiskeri Aınur Jumaǵalıeva.
IT kabınette tek aýdan ortalyǵyndaǵy mektep oqýshylary ǵana emes, aýyl mektepteriniń balalary sıfrlyq tehnologııamen kereginshe tanysyp, paıdalana alatyn bolady.
Kabınetti jabdyqtaýǵa 8 mıllıon teńge jumsaldy.
Názıra Járimbet
«Egemen Qazaqstan»
Qostanaı oblysy,
Qostanaı aýdany
