Múgedekter múddesin qorǵaǵan «ELAMAN» áleý­met­tik ınnovasııalyq jobalar qory

Almaz Erjannyń múmkindigi shekteýli, arbasyz bir qadam basa almaıtyn jan. Biraq tániniń kemtarlyǵy bolǵanymen, jany baı Almaz ózgeler úshin paıdaly is jasaýdy bastaǵan. Sóı­tip ol aldymen «ELAMAN» áleý­met­tik ınnovasııalyq jobalar qoryn ashady. Arbaǵa ta­ńy­lǵan jandardyń basyndaǵy bar­lyq problemalardy túbirinen tanıtyn Almazǵa múmkindigi shekteýli jandardy áleýmettik ortaǵa beıimdep, olardyń bız­nes­terin ashyp, qoǵamdaǵy bar­lyq máselelerdi sheshýge ún qosatyndaı tolyqqandy aza­mattyq sezimdi qalyptastyrý qajet degen oı uıalaıdy. Osy­laısha talaı esikti qaǵyp, jaq­sy iske muryndyq boldy. Onyń qýanyshyna oraı As­tana qalalyq ákimdigi qoldaý kór­setip, qalanyń ortalyq kóshesiniń birindegi jańa úıdiń birinshi qabatynan arbamen kirip-shyǵýǵa qolaıly keńse berdi. «Beeline Qazaqstan» Al­mazdyń ótinishin jerge tas­tamaı, «Sheksiz múkindikter» respýblıkalyq qaıyrymdylyq jobasy sheńberinde Inklıýzıvti dızaın ortalyǵyn ashyp, arbaǵa tańylǵan jandardy eńbekpen qamtýǵa jáne áleýmettik ortaǵa beıimdeýge arnalǵan uıymdy kompıýterlermen jáne tegin ush­qyr ınternetpen jabdyqtady. Jańa keńsede oqý ortalyǵy, shy­ǵar­mashylyq beıimdeý klýby jáne psıhologııalyq qoldaý kór­setýge jáne múgedekterdiń quqyǵy týraly aqparat berýge arnalǵan call-ortalyq bar eken. Uıymnyń óziniń aqparattyq arnasy – www.inva.kz saıty men «Inklıýzııa» YouTube-arnasyn ashýǵa da qolushyn sozypty.

«ELAMAN» áleýmettik ın­no­vasııalyq jobalar» QQ tóraǵasy Almaz Erjanmen osy bir qýanyshty sát­te kezdestim. Múmkindigi shekteýli adamdar kezdesetin kedergiler óte kóp. Qarapaıym kópshilik oǵan tipti mán de berip jatpaıdy. Olar úshin esh problemasy joq nárseler, mysaly, qoǵamdyq kólikke otyrý, áldebir keńsege jumysyń boıynsha kirip-shyǵý, taǵy da basqa tolyp jatqan eleýsiz dú­nıe­ler arbasyz qozǵala almaıtyndar úshin úlken qıyndyqpen keledi. Sondyqtan bizdiń ortalyq osyndaı adamdar úshin jumys at­qarady. Qansha múgedek dese­ńiz de múmkindigi shekteýli adam­dardyń jaqyndaryna masyl bol­­ǵysy kelmeıdi, ári ózde­ri­ne járdemaqy, zeınetaqy be­rip otyrǵan qoǵamǵa da paıdasyn tıgizgileri keledi. Biraq kóp­shiligi ne isteý kerek, neden bastaý kerek degennen beıhabar. Má­se­len, «Beeline Qazaqstan» kó­megi biz úshin naǵyz taptyrmaı­tyn olja boldy. Endi biz YouTube-arnasy arqyly efırge shyǵyp, bir Astanadaǵy ǵana emes basqa óńir­lerdegi osyndaı jandarǵa kerek keńesti, úlgi bolatyn isterdi nasıhattap otyr­maqshymyz.

Elimizde múmkindigi shekteýli mıllıonǵa jýyq adam bar, biz solar kezigetin shekteýlerdi azaı­týǵa úles qossaq deımiz, óıtkeni ol problemalardy dál bizdeı uǵynyp, sheshýge múddeli bolyp umtylatyndar az. Qazirdiń ózinde osy ortalyqqa múmkindigi shek­teýli 6 adam jumysqa alyndy.

Men ózim tárizdi adamdarǵa bylaı degim keledi. Úıde jatyp aıǵaılaı beretin ýaqyt ót­ken, sózden iske kóshetin mezgil ábden pisip jetti. Barlyq kúsh-ji­gerimizdi, aqylymyzdy salyp, rý­hymyzdy janyp, ózimizdiń ómi­rimizdi ózgertýge tıispiz. Bul ortalyq sonyń tek basy. Or­ta­lyqtyń «ınklıýzıvti dızaın» ataýy – Astanadaǵy múm­kindigi shekteýli jandarǵa kedergisiz orta qursaq degen maq­satymyzdan týyndady. Biz komandany jınap, keńseni jal­ǵa aldyq, arbaǵa tańylǵan jan­dardyń qajettilikterin eskere oty­ryp, ony jóndedik, buǵan da biraz janashyr jandar tabylyp, jóndeý jumystaryn atqaryp berdi. Bul uzaq merzimdi joba, alǵa qoıǵan josparlarymyz óte kóp. Sonyń ishinde biz sarapshylardy, eriktilerdi daıyndaý kýrstaryn ashamyz, áleýmettik kásipkerlikpen aı­nalysqysy kelgenderdi taǵy­lym­damadan ótkizemiz, múm­kin­digi shekteýli jandarǵa tegin zańgerlik keńes beremiz. Beeline bizdi tehnologııalyq bazamen qamtamasyz etti jáne bul bizge tıimdi jumys isteý úshin onlaın-kýrstardy, beıne-konferensııa­lardy tolyqqandy júrgizýge, portal men YouTube arnasyn jáne basqa da resýrstardy damytýǵa múmkindik berýde, sondyqtan bir ıgi istiń jaqsy bastamasyna qýanyp turǵan jaı bar, deıdi.

Arbaǵa tańylǵan jandarǵa arnalǵan jańa resýrs ortalyǵy­nyń baǵdarlamaǵa qosylýy týraly Beeline Qazaqstannyń korporatıvti kommýnıkasııa jónindegi dırektory Alekseı Benzdi sózge tartqanda: «Bizdiń kompanııa úshin áleýmettik tur­ǵyda álsiz jandarǵa kómek berýde belgili bir tártip bar. Biz aýrý balanyń operasııasy­na qa­jet qarjyny aýdaryp bere almaımyz, al mynadaı jobalarǵa qoldaý kórsetýge qýana kelisemiz. Osyǵan deıin elimizdiń barlyq qalalarynda balalarǵa arnalǵan tegin ınternetpen jabdyqtalǵan 25 ortalyq ashqan bolatynbyz. Al «ELAMAN» boıynsha jaǵ­daı ózgeshe. Jalpy, qaıda da múm­kindigi shekteýli jandardyń prob­lemalaryna qolushyn bere­tinder az. Almaz jasap júr­gen isti qol-aıaǵy balǵadaı, deni saý adam atqarmaıdy. Mundaı jan­­­dar kópke úlgi. Qolym joq­ demeı aıaǵymen sýret salyp,­ as iship, kompıýter basyp eń­bek­ etken jandardy kór­d­im. Aıaǵym júrmeıdi dep oty­ryp qal­maı kóp úshin kóp esik­ti ashyp, jaǵdaı jasaǵan Al­maz­dyń eńbegi zor dese osy kom­panııanyń korporatıvtik áleý­mettik jaýapkershilik jónin­degi menedjeri Anar Juma­ǵulova: «Bıznestiń áleýmettik jaýap­kershiligi týraly bıik min­ber­lerden jıi másele kóte­riledi. Ony Elbasy da aıtty. Al bizdiń kompanııa bul baǵyt­ta júıeli jumys atqarýda. Ne­gizi adamgershilik turǵysynan al­ǵanda da múmkindigi shektelgen adamǵa járdem bergen durys. Sondyqtan ony jabdyqtaǵanda qolaıly bolýy basty nazarda ustaldy», deıdi.

Shynynda ústelderdiń túrli deńgeıge kóterilip, túsýi, jyljýy, arbanyń aınalyp kirip-shyǵýyna yńǵaılylyǵynyń bári qarastyrylǵan eken. Osylaısha «ELAMAN» ınklıý­zıv­ti dızaın ortalyǵynyń ıgiligi múmkindigi shekteýli jan­darǵa esigin aıqara ashty.

Anar TО́LEÝHANQYZY,

«Egemen Qazaqstan»