Nysannyń jalpy quny 9 800,0 mln teńgeni quraıdy. 2014-2017 jyldar aralyǵynda atalǵan jobaǵa 7 550,3 mln teńge kóleminde qarjy bólingen. Osy qarajattyń 6 050,3 mln teńgesi, ıaǵnı 80% jergilikti bıýdjet esebinen ıgerilgen. Bul kópir respýblıkalyq mańyzdaǵy Aqtóbeden reseılik Astrahanǵa deıingi joldy qysqartyp, tranzıttik kólik aǵynyn Atyraýǵa kirgizbeı ótkizýge múmkindik beredi. Sonymen qatar 50 myńnan asa turǵyny bar 18 eldi meken halqynyń búgingi kúnge deıin aýdan ortalyǵyna parommen qatynaýy turǵyndardyń tirshiligine qolaısyz ári qaýipti jaıt jáne óńirdiń áleýmettik-ekonomıkalyq damýyna da keri áserin tıgizýde.
Osy tarapta asa qajetti kópir qurylysy jumysyn jyldam aıaqtap, iske qosý maqsatynda 2018-2020 jyldarǵa arnalǵan respýblıkalyq bıýdjetti naqtylaý kezinde qosymsha 1 500,0 mln teńge bólingen jaǵdaıda, bıylǵy jyly nysandy tolyqtaı bitirip, iske qosýǵa múmkindik týady.
Nysannyń áleýmettik mańyzdylyǵyn eskere otyryp Úkimet basshysy Baqytjan Saǵyntaevtyń atyna joldaǵan saýal arqyly 2018 jylǵy respýblıkalyq bıýdjet esebinen joǵaryda atalǵan qalǵan qarjy somasynyń bólinýine yqpal etýdi surap otyrmyz.
Ǵumar DÚISEMBAEV,
Senat depýtaty
