Brıfıngke jastar saıasaty departamentiniń dırektory Ashat Oralov, «Jastar» ǵylymı-zertteý ortalyǵynyń dırektory Talǵat Qalıev, «Qazaqstan stýdentter Alıansy» qoǵamdyq birlestiginiń tóraǵasy Ilııas Tústikbaev qatysty.
Baspasóz maslıhaty barysynda qatysýshylar Prezıdenttiń «Tórtinshi ındýstrıaldy revolıýsııa jaǵdaıyndaǵy damýdyń jańa múmkindikteri», Prezıdenttiń bes áleýmettik bastamasy jáne «Rýhanı Jańǵyrý» baǵdarlamasynyń aıasynda júrgizilip jatqan sharalardyń jastardyń bolashaǵyna tıgizetin áseri týraly aıtty.
Vıse-mınıstr A.Núkenovtyń aıtýynsha, «2013-2020 jyldarǵa arnalǵan memlekettik jastar saıasatyn iske asyrý tujyrymdamasy» jastar saıasatynyń negizgi baǵyty bolyp tabylady.
«2017 jyly «Bolashaqqa baǵdar: rýhanı jańǵyrý» baǵdarlamalyq maqalasy eskerile otyryp, atalǵan tujyrymdamany iske asyrý josparyna ózgerister engizildi. Jańadan qosylǵan is-sharalar jumyspen qamtý, bos ýaqytty tıimdi paıdalaný, otbasylyq qundylyqtardy damytý, jastar uıymdaryn qoldaý, kásipkerlik pen volonterlik qyzmetti qamtıdy. Premer-Mınıstrdiń tapsyrmasy boıynsha ákimdikter 2017-2020 jyldarǵa arnalǵan jastardyń bos ýaqytyn tıimdi ótkizýge baǵyttalǵan is-sharalar josparlaryn ázirledi. Birqatar óńirler jobalarynyń ınfraqurylymyn qalyptastyra bastady. Talantty jastardy júıeli túrde qoldaý maqsatynda Qazaqstan Respýblıkasy Úkimetiniń 2017 jylǵy 13 shildedegi № 427 qaýlysymen «Daryn» memlekettik jastar syılyǵyn jyl saıyn berý týraly sheshim qabyldandy. Sondaı-aq, Mınıstrliktiń bastamasy boıynsha Úkimet syıaqy mólsherin arttyrý máselesin qarastyrýda. Daryn jastar syılyǵyn alýǵa úmitkerlerden ótinishter aǵymdaǵy jyldyń 30 naýryzynan bastalyp, 1 tamyzǵa deıin jalǵasady. Úkimettiń sheshimimen «Jastar» ǵylymı-zertteý ortalyǵy QR Din isteri jáne azamattyq qoǵam mınıstrliginiń quzyretine berildi. Osy aptada atalǵan ortalyq óziniń bes jyldyǵyn atap ótedi. Ortalyq jastar ortasyn damytý úrdisterin anyqtaıdy, problemalardy sheshýdiń jańa tásilderin usynady. Tutastaı alǵanda, atqarylǵan jumystar jastardyń jumysynda úkimettik emes sektordyń resýrstaryn tıimdi úılestirýge jáne tartýǵa múmkindik beredi», dedi ol.
Vıse-mınıstr A.Núkenov kóptegen kórsetkishter boıynsha bizdiń jastarymyz basqa elderdegi óz zamandastarynan alda kele jatqandyǵyn atap ótti.
