Rentgenhırýrgterdiń birlesken jumysynyń nátıjesinde qolqanyń ishperdelik bóliminiń anevrızmasy dıagnozy qoıylǵan 6 pasıentke ota sátti jasaldy. Bul anevrızmanyń jarylyp ketýiniń aldyn alyp, naýqastarǵa qalypty ómir saltyna oralýǵa múmkindik berdi.
Doktor V.Zemlıanskııdiń aıtýynsha, qolqa anevrızmasy – qaýipti dert. Ol qandaı da bir patologııanyń saldarynan qolqa qabyrǵalarynyń sozylyp nemese jińishkerip ketýinen paıda bolady. Qolqa anevrızmasy – ólimge ákep soǵýy múmkin barynsha qaterli aýrýdyń biri. Oǵan shaldyqqan naýqas kóp ýaqyt óziniń aýrý ekenin de sezbeıdi. Qolqa – adam aǵzasyndaǵy eń iri tamyr. Onda paıda bolǵan úlken anevrızma jarylyp ketken jaǵdaıda naýqas sanaýly mınýttardyń ishinde qaıtys bop ketedi nemese qatty qan aǵýy saldarynan aýyr jaǵdaıǵa dýshar bolady.
«UMC» korporatıvtik qorynyń Onkologııa jáne transplantologııa ulttyq ǵylymı ortalyǵynda qolqanyń túrli bólimderin kishi ınvazıvti jolmen endotrotezdeý otalaryn jasaýda úlken tájirıbe jınaqtaldy. V.Zemlıanskıı tamyrishilik zamanaýı qural – «stend-graftty» paıdalanyp, qolqaǵa 300-den astam kishi ınvazıvti operasııa jasaǵan.
Aıta ketetin jaıt, Onkologııa jáne transplantologııa ulttyq ǵylymı ortalyǵynda atalǵan joǵary mamandandyrylǵan emdeý ádisi elimizdiń barlyq azamattary úshin qoljetimdi. Bul memleket bıýdjeti esebinen tegin jasalady, sonymen qatar aqyly medısınalyq qyzmet kórsetý aıasynda da kórsetiledi.
«Egemen-aqparat»
