Jekpe-jek • 24 Sáýir, 2018

Dzıýdodan jastar arasynda Azııa kýbogy ótti

166 ret kórsetildi

Almatydaǵy «Halyq arena» sport kesheninde dzıýdodan kórnekti qoǵam qaıratkeri, sport janashyry, «Parasat» jáne «Qurmet» ordenderiniń ıegeri Beket Mahmutovtyń júldesi úshin jastar arasynda Azııa kýbogy jolyndaǵy jarys ótti. 

Toqsanynshy jyldardyń basynda el ekonomıkasy eńse tikteı almaı jatqan tusta respýblıkalyq boks federasııasynyń tizginin ustaǵan Beket Sapabekuly osy sport túrine barynsha qoldaý kórsetip, bylǵary qolǵap sheberleriniń eshteńeden tarlyq kórmeýine septigin tıgizdi. Aıtýly azamattyń basshylyǵymen Qazaqstannyń ulttyq quramasy Olımpııa oıyndary men dúnıejúzilik dodada jáne basqa da kóptegen baıraqty básekelerde ǵalamat kórsetkishke qol jetkizip, álemdegi eń úzdik úsh komandanyń qataryna erkin qosyldy. Jastar men jasóspirimder boksy da keremet qarqynmen damydy. 1996-2006 jyl aralyǵynda AIBA-nyń birinshi vıse-prezıdenti bolǵan kezde de Mahmutov myrza otandyq bokstyń órkendeýine barynsha atsalysty.

2009 jyly ol respýblıkalyq dzıýdo federasııasynyń prezıdenti bolyp saılandy. Bul rette de Beket Mahmutov óziniń iskerligin tanytyp, aınaldyrǵan úsh-tórt jyl ishinde Olımpıada baǵdarlamasyna engen kúrestiń bul túriniń kókjıegin keńeıtip, tasyn órge domalatty.

Bıylǵy týrnırde Ońtústik Koreıa, О́zbekstan, Qyrǵyzstan, Tájikstan jáne Qazaqstannyń barlyq aımaǵynan kelgen 200-den asa balýan baq synady. Eki kúnge sozylǵan báseke barysynda bizdiń órender shashasyna shań juqtyrmaı bas júldeniń barlyǵyn ózderi oljalady. Olardyń tatamıdegi qımyl-qozǵalysy men jankeshtiligine qarap, elimizde jalyndy jastardyń qalyń shoǵyry ósip kele jatqanyna anyq kóz jetkizdik. Dál osyndaı pikirdi Qazaqstan ulttyq quramasynyń bas bapkeri Aıdyn Smaǵulovtyń da aýzynan estidik. BAQ ókilderine bergen suhbatynda ol: «Jastar býyny halyqaralyq dodalarda da dál búgingideı kúresetin bolsa, el dzıýdosynyń erteńi úshin esh alańdamaýǵa bolady» degen pikir bildirdi.

Jarystyń ózine keler bolsaq, jekelegen salmaq dárejeleri boıynsha myna dzıýdoshylar jeńis tuǵyrynyń eń bıik satysyna kóterildi: Uldar – Nurhan Almabek (55 kılo), Baýyrjan Narbaev (60 kılo), Suńǵat Jubathan (66 kılo), Ańsarbek Ǵaınýllın (73 kılo), Beıbit Mádıev (81 kılo), Málik Temirsultanov (90 kılo), Nursat Temirhan (100 kılo) jáne Beıbarys Ábdiǵanı (+100 kılo).  Qyzdar – Ádııa Saıyn (44 kılo), Ǵalııa Tynbaeva (48 kılo), Aqmaral Ernazar (52 kılo), Merýert Sársenova (57 kılo), Saera Myrzahmetova (63 kılo), Ámına Rasul (70 kılo), Názerke Tileýhanova (78 kılo) jáne Kámıla Berliqash (+78 kılo).

Sonymen qatar Beket Mahmutovtyń júldesi úshin ótken halyqaralyq týrnırdi tamashalaý úshin dzıýdo kúresiniń basy-qasynda júrgen maıtalman mamandar men dańqty dzıýdoshylardan bólek, bokstan Olımpıada chempıony Ermahan Ybraıymov pen álem kýbogynyń ıegeri Arkadıı Topaev, erkin kúresten Olımpıada oıyndarynyń jeńimpazy, álemniń 5 dúrkin chempıony Qajymurat Gasalov syndy sańlaqtar da «Halyq arenaǵa» arnaıy at basyn burdy.

Ǵalym SÚLEIMEN,
«Egemen Qazaqstan»

ALMATY

Sońǵy jańalyqtar

Muraǵattar muń shaǵady

Ádebıet • Keshe

Búgin – Eńbek kúni

Qazaqstan • Keshe

Petropavlda jedel járdem kóligi aýdarylyp qaldy

Aımaqtar • 26 Qyrkúıek, 2020

Aqtaýda geologtar alleıasy ashyldy

Aımaqtar • 26 Qyrkúıek, 2020

Oralda Juban Moldaǵalıevke eskertkish ashyldy

Rýhanııat • 26 Qyrkúıek, 2020

Almatyda 500 oryndyq jańa aýrýhana salyndy

Aımaqtar • 26 Qyrkúıek, 2020

Elimizde birqatar poıyz qozǵalysy ózgertildi

Qazaqstan • 26 Qyrkúıek, 2020

Shekten shyqqan ahýal joq

Aımaqtar • 26 Qyrkúıek, 2020

Demalys kúnderi aýa raıy qandaı bolady

Aýa raıy • 26 Qyrkúıek, 2020

Epızootıkalyq jaǵdaı turaqtanýda

Aımaqtar • 26 Qyrkúıek, 2020

Batys Qazaqstanda qos aqynnyń toıy ótip jatyr

Aımaqtar • 26 Qyrkúıek, 2020

О́tken táýlikte 170 adam jazylyp shyqty

Qazaqstan • 26 Qyrkúıek, 2020

Qazaqstanda taǵy 69 adam indet juqtyrdy

Koronavırýs • 26 Qyrkúıek, 2020

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Uqsas jańalyqtar