Foto: avtor
Birinshiliktiń saltanatty ashylýyna Semeı qalasy ákiminiń orynbasary Nadejda Sharova, Semeı qalasyndaǵy fızıka-matematıka baǵytyndaǵy Nazarbaev zııatkerlik mektebi dırektorynyń syrtqy ister boıynsha orynbasary Baýyrjan Serikov qatysyp, quttyqtaý sóz sóıledi.
– Birinshilikke qatysýǵa qalamyzdyń 40 orta mektebinen 350-ge jýyq oqýshy nıet bildiripti, – dedi Nazarbaev zııatkerlik mektebi baspasóz ortalyǵynyń jetekshisi Ermek Isabaev. − Keıingi kezderi óskeleń urpaq arasynda erekshe qyzyǵýshylyq týdyrǵan oı-qııal men jyldamdyq jarysyna Rýbık tekshesin Semeıde ǵana emes, Qazaqstanda nasıhattaýshylardyń biri, jeke kásipker Arman Mashımov qoldaý bildirip otyr.
– Jarys 7 tártip boıynsha uıymdastyrylyp otyr. Olardyń qatarynda «Spıdkýbıng» jyldamdyqta qurastyrý, «Bir qolmen» jáne «Reskrambl» júıelerin erekshe atap ótýge bolady. Birinshilikte jeńiske jetý úshin oıynshylar asqan jyldamdyq kórsetýleri qajet. Búgingi úmitkerler sanyn eskere otyryp, rýbık tekshesine degen qyzyǵýshylyq shákirtterimizde erekshe ekenin baıqadyq. Ony qurastyrý balany jyldam sheshim qabyldap, qysqa merzimde oılaı bilýge daǵdylandyrady. Endigi meje maýsym aıynyń basynda mektebimizde halyqaralyq jarys ótkizý, – deıdi jarysty uıymdastyrýshy, Zııatkerlik mekteptiń kýratory Albına Musabekova.
Jarys jeńimpazdary maqtaý qaǵazdary men baǵaly syılyqtarǵa ıe bolady.
Raýshan NUǴMANBEK,
jýrnalıst
SEMEI
