Bul týraly dene shynyqtyrý jáne sport basqarmasynyń basshysy Azamat Beket málimdedi. Oblystyq basqarma basshysynyń aıtýynsha, Olımpıda chempıonynyń Atyraýǵa kelýi úlken mártebe.
-Sońǵy ýaqytta bizdiń óńirde sportpen shuǵyldanýǵa, jaýyngerlik ónerge kóp kóńil bólinýde. Qysqy sport túrlerine de nazar aýdaratyn kez keldi, atap aıtqanda Atyraý oblysynda qarqyndy damyp jatqan mánerlep syrǵanaý sportyna,- deıdi Azamat Beket.
Búgingi tańda Atyraý oblysynda mánerlep syrǵanaýmen 3 jastan 14 jasqa deıingi balalar aınalysýda – barlyǵy 58 adam, kóp bóligi qyz balalar. Atyraýlyq mánerlep syrǵanaýshylar respýblıkalyq týrnırlermen qatar, halyqaralyq týrnırlerdiń jeńimpazdary. Denıs Tenniń Atyraýǵa kelýi jas sportshylardyń jańa jeńisterge umtylýyna serpin bolady jáne Atyraý oblysynda osy qysqy sport túriniń damýyna septigin tıgizedi.
Mánerlep syrǵanaýdan Olımpıada oıyndarynyń chempıony Denıs Ten 27 sáýir kúni 19.00-de Muz aıdyny kesheninde Atyraý qalasynyń turǵyndary men qonaqtaryna sheberlik saǵatyn ótkizedi.
