«Mas júrgizýshi – qylmysker!» jedel-profılaktıkalyq sharasy kezinde oblys boıynsha 856 jol erejesin buzý faktisi tirkeldi. Kólik júrgizgende qaýipsizdik belbeýin tartpaǵan 148 júrgizýshi ákimshilik jaýapkershilikke tartyldy. Sonymen qatar jyldamdyqty kóterý avtokólik áýesqoılarynyń arasynda eń jıi kezdesetin jol erejesin buzý faktisi bolyp tabylady. Bul joly osyndaı kinási bar 120 júrgizýshi ákimshilik jaýapkershilikke tartyldy.
Shara kezinde kólik júrgizip bara jatyp, telefonmen sóılesken 96 júrgizýshi, kólik terezesin qarańǵylaǵan 3 júrgizýshi toqtatyldy. Jedel-profılaktıkalyq shara kezinde jol erejesin buzǵan 76 júrginshi de ákimshilik jaýapkershilikten tys qalǵan joq.
Názıra Járimbet,
«Egemen Qazaqstan»
Qostanaı
