Kezdesýge jumys berýshiler jáne oqý oryndarynyń basshylary qatysty. Kún tártibinde serpindik túlekterdi jumysqa ornalastyrý máselesi talqylandy. Onda óńir basshysy mentorlyq jobanyń júzege asatynyn, ózi serpindik túlekke «mentor» bolatynyn jarııa etti. Ol boıynsha jas mamanǵa aqyl-keńes berilip, tájirıbemen bólisedi. Jumysqa ornalasý jeke baqylaýǵa alynady. Qumar Irgebaıuly memlekettik organdardyń basshylaryn, kásipkerlerdi jáne kásiporyndardyń dırektorlaryn «Serpinniń» túlekterine «mentor» bolýǵa shaqyrdy.
Qazir atalmysh baǵdarlamanyń stýdentteri men túlekteri óńirimizde óz otbasylaryn qura bastady. Solardyń biri – Mursalbek Ońǵarbek. Ol bıyl oqýyn támamdap, jubaıy ekeýi Ýálıhanov aýdanyna kóship barmaq.
«Serpinniń» stýdentteri oblysta shańyraq kóterip, bala bolsa, tegin úı salyp beretin bolamyz. Baspana joǵary áleýetti aýyldarda boı kóteredi. Dostaryńa, aǵaıyn-týysqandaryńa osy jańalyqty jetkizińizder», Q. Aqsaqalov.
О́ńirde «Serpin» baǵdarlamasy boıynsha 5 oblystan kelgen 1114 stýdent bilim alýda.Onyń 862-i Manash Qozybaev atyndaǵy SQMÝ-de oqıdy. 252 stýdent 5 kolledjde bilim alýda. Bıyl 319 túlek oqýlaryn támamdaıdy. Qazir 125 adam jumysqa ornalasty, 43 túlek oqýlaryn odan ári jalǵastyrmaq.
Soltústik óńirge kelgen ár serpindikke 84 myń teńge kóleminde sýbsıdııa tólenedi. Páter jaldaý úshin qalada 48 myń teńge, al aýylda 36 myń teńge kóleminde kómekaqy beriledi.
О́mir Esqalı,
«Egemen Qazaqstan»
Soltústik Qazaqstan oblysy
