Endi osy olqylyqtyń orny toltyrylmaq. Aqmola oblysy ákimdiginiń qoldaýymen jergilikti turǵyndar men demalysqa kelýshiler úshin kıeli óńirdiń mádenıetin, tarıhyn jáne etnografııasyn kórsetetin atalǵan nysan jóndeýden ótkizilip, esigin qaıta ashatyn bolady.
Negizinen murajaı «Býrabaı Damý» Vızıt-ortalyǵynda ornalasqan jáne kóne dáýirden bastap qazirgi kezge deıingi aımaq tarıhyn qamtıtyn úsh zaldan turady. Sonyń tarıh zalynda qazaq qoǵamynyń mádenı-sharýashylyq saltymen jaqyn tanysýǵa múmkindik bar. Al ekinshi – etnografııa zalynda qazaqtardyń ulttyq qolóneri shyǵarmashylyǵy, etnomádenıeti jáne úı sharýashylyǵynda qoldanǵan zattary qoıylatynyn ataı ketken oryndy.
Úshinshi zaldyń tujyrymdamasyna sáıkes, munda Býrabaı aımaǵynyń tabıǵaty men tarıhyn zertteýge úlken úles qosqan zertteýshiler men ataqty akademıkterdiń ómirleri men shyǵarmashylyǵyna qatysty jádigerler qoıylatyny belgili bolyp otyr. Murajaı eksponattarynyń denin jergilikti zertteýshi Ámına Tursynbaevanyń materıaldary quramaq. Reti kelgende aıta keteıik, Býrabaıdyń tarıhy Abylaı han men Kenesary esimderimen tyǵyz baılanysty. Murajaıda sensorlyq dúńgirshekter, LED-ekrandar, monobloktar ornatylyp, onda tarıhı, tanymdyq fılmder kórsetiledi. Jáne de Býrabaı etnografııasy men tarıhy jóninde ınteraktıvtik oqýlar ótkiziledi dep kútilýde. Atalǵan nysannyń ashylýy 18 mamyrǵa – Halyqaralyq murajaılar kúnine oraılastyrylyp otyr.
Asqar TURAPBAIULY,
«Egemen Qazaqstan»
Aqmola oblysy
