Bul shara Qazaqstan Respýblıkasy Memlekettik qyzmet isteri jáne sybaılas jemqorlyqqa qarsý kúres agenttigi Batys Qazaqstan oblystyq departamentiniń jáne Batys Qazaqstan oblystyq jastar saıasaty máseleleri basqarmasynyń qoldaýymen ótip otyr.
- «О́zińnen basta!» aksııasy óńir jastarynyń arasynda ótkiziletin keshendi sharanyń biri. Aksııa aıasynda Batys Qazaqstan oblysynyń Zelenov aýdany «Adal jol» fleshmob marafonyn Tasqala aýdanyna tabystady. Budan bólek memlekettik qyzmetkerler jármeńkesi uıymdastyrylady. Iаǵnı sharaǵa qatysýshylar memlekettik qyzmetke kirý, jumysqa ornalasý, turǵyn úı qurylys jınaq banki, taǵy basqa máseleler jónindegi suraqtaryna jaýap alady. Bizdiń maqsatymyz – jastardy adal bolýǵa shaqyramyz, adaldyq bar jerde jemqorlyq bolmaıdy, - deıdi memlekettik qyzmet isteri jáne sybaılas jemqorlyqqa qarsý kúres agenttigi BQO departamentiniń bólim basshysy Birjan Haırýllın.
Aksııany ótkizgen «Ǵasyr» jastar qoǵamdyq birlestiginiń tóraǵasy Bolatbek Sahıev te jastar arasynda sybaılas jemqorlyqqa qarsy mádenıetti qalyptastyrý óte mańyzdy dep sanaıdy.
- Aksııa nátıjesinde stýdentterdiń adal eńbek etýine, adal bilim alýyna jaǵdaı jasaý – negizgi mindetimiz. Biz jastar kóp júretin jerlerge «Senim jáshigin» ornatyp, oǵan kelip túsken kez kelgen túıindi máseleni tez ári ońynan sheshýge tyrysamyz, - deıdi jastar jetekshisi.
Qazbek QUTTYMURATULY,
«Egemen Qazaqstan»
Oral qalasy
