Korreksııalyq kabınet «Dara» qaıyrymdylyq qorynyń uıymdastyrýymen joǵary oqý ornynyń bazasynan alǵash ret paıdalanýǵa berilip otyr. Maqsat – elimizdegi arnaıy jáne ınklıýzıvti bilim berýdi ınstıtýtsıonaldy qoldaý jáne Defektologııa mamandyǵynda oqıtyn stýdentter men magıstranttardy praktıkalyq, ǵylymı-zertteýshilik jumystaryn uıymdastyrý.
Bul ortalyq múmkindigi shekteýli balalardyń adamgershilik, eńbeksúıgishtik qasıetterin qalyptastyryp, olardyń ómirge degen qushtarlyq sezimderin oıatý, oı-óristeri men oılaý qabiletterin jetildirip, tolyqqandy azamat dárejesine jetkizý maqsatynda jumys jasaıdy.
– Barshańyzdy pedagogıkalyq-psıhologııalyq túzetý kabınetiniń ashylýymen shyn júrekten quttyqtaımyn! Jalpy bilim beretin mektepte damý múmkindigi shekteýli balalarǵa qolaıly jaǵdaı jasaý – bizdiń basty mindetimiz. Búgingi ortalyqtyń ashylýymen taǵy da quttyqtaı otyryp, bala saýlyǵy men oqytý jolyndaǵy jumystaryńyzǵa sáttilik tileımin, – dedi ortalyqtyń ashylý rásiminde Qyzdar Ýnıversıtetiniń rektory Gaýhar Aldambergenova.
