Medısına • 27 Sáýir, 2018

Qazaqstanda jas pedagog-ǵalymdardyń qaýymdastyǵy qurylady

349 retkórsetildi

Qazaq memlekettik qyzdar pedagogıkalyq ýnıversıtetinde Qazaqstannyń jas ǵalym-pedagogtarynyń I respýblıkalyq sleti ótti. Tuńǵysh ret uıymdastyrylǵan sletke Bilim jáne ǵylym vıse-mınıstri Bıbigúl Asylova, otandyq joǵary oqý oryndarynyń rektorlary men jas ǵalymdar qatysty.  

Sýretti túsirgen Sársenbek QYZAIBEKULY

Baspasóz máslıhatynda Qazaqstan jas pedagog-ǵalym­darynyń qaýym­dastyǵy qurylatyny málim boldy. 

– Qaýymdastyqty qurýdaǵy basty maqsat – memleket pen qoǵam damýyna belsendi qyzmet etetin, jańasha turǵyda oılaı alatyn jas pedagog-ǵalymdardy biriktirý, olardyń dıalog alańyn qurý. Sonymen qatar bilim men ǵylym salasyndaǵy ózekti máseleler boıynsha jas pedagogtardyń júıelengen pikirlerin múddeli taraptarǵa jetkizý, oqytý men tárbıeleýdiń tıimdi tehnologııalarymen almasý, ǵylymı-zertteýler júrgizý jáne sheteldik joǵary oqý oryndary, kolledj, mektepterdiń jas pedagog-ǵalymdardyń halyqaralyq qaýymdastyqtary, odaq­tary, keńesterimen baılanys ornatý da qarastyrylǵan, – deıdi Qyzdar ýnıver­sıtetiniń rektory Gaýhar Aldam­bergenova.

Búginde bilim berý júıesinde úlken ózgerister júrip jatyr. Osy oraıda elimizdiń jas pedagog-ǵalymdary kóptegen ǵylymı halyqaralyq, joǵary basylymdarda ǵylymı maqalalary jarııalanýyn, sondaı-aq, ınnovasııalyq patent ıegerlerin, kóptegen oqýlyqtar men monografııalary jaryq kórgenin maqtanyshpen aıta alamyz. 

О́kinishke qaraı búginde keıbir jas ǵalym-pedagogtardyń eńbekteri men kreatıvti ıdeıalary kóp jerde elenbeı, nazardan tys qalyp jatyr. Osyǵan baılanysty Qazaqstan jas ǵalym-pedagogtary qaýymdastyǵy ashylýda. Biz úshin bul este qalatyn mańyzdy kún, – dedi Qazaq memlekettik qyzdar pedagogıkalyq ýnıversıtetiniń Jas ǵalymdar keńesiniń tóraıymy Móldir Abdraımova. 

Qaýymdastyqqa múshe retinde 35 jasqa deıingi joǵary bilim berý júıe­sinde qyzmet etetin, pedagogıka salasynda ǵylymı-zertteý tájirıbesi bar oqytýshylar tirkele alady.

Jas muǵalimderdiń jańa qaýym­dastyǵynyń jospary kóp. Jańa uıym Astanadaǵy respýblıka ustazdarynyń tamyz konferensııasyna qatysyp, jas pedagog-ǵalymdardyń seksııasyn qurýdy kózdeıdi. Jas ǵalym-pedagogtardyń halyqaralyq (aty álemge belgili klas­sıkalyq ýnıver­sıtetterdiń biri Kem­brıdj ýnı­versıteti, Oksford ýnıver­sıteti) deń­geıde ǵylymı-tájirıbelik konferensııa, forýmdar uıymdastyrý men tájirıbe almasýǵa septesedi. Jazǵy mektepter uıymdastyrý, onyń ishinde aǵylshyn tiline kóńil bólý syndy basqa is-sharalarǵa atsalysady. 

Aınash ESALI,
«Egemen Qazaqstan»

ALMATY

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar