«Memlekettik qyzmettiń personalyn basqarý ulttyq ortalyǵy Astanadaǵy «Mıllenıým park» bıznes-ortalyǵynda esigin aıqara ashyp, óz shekarasyn keńeıte bastady. Endigi ýaqytta ortalyq memlekettik jáne quqyq qorǵaý qyzmetine úmitkerlerdi testileý turǵysynda tehnıkalyq sıpatta qoldaýshy operator ǵana emes. Onyń janynda kez kelgen nıet bildirýshi ótinishin aıta alatyn shaǵyn HQO men Arnaıy taldaý tobynyń (ATT) qoǵamdyq qabyldaýy ashyldy», - delingen Memlekettik qyzmet isteri jáne sybaılas jemqorlyqqa qarsy is-qımyl agenttiginiń baspasóz habarlamasynda.
Shaǵyn HQO-nyń fýnksııasyna: memlekettik qyzmetti kórsetý, memlekettik qyzmetshilerdiń etıkalyq normany saqtaý salasynda azamattardyń aryz-shaǵymyn qabyldaý jáne qarastyrý, memlekettik qyzmet boıynsha jáne memlekettik qyzmetti kórsetý turǵysynan keńes berý enedi. Shaǵyn HQO úzdik álemdik tájirıbe negizinde jumys isteıdi: kedergisiz qyzmetti, kezek alý servısin, psıhologtyń kómegin usynady. 8 kúnniń ishinde HQO jetpiske tarta memlekettik qyzmetti kórsetken. ATT qoǵamdyq qabyldaýy - sybaılas jemqorlyqqa qarsy kúres máseleleri boıynsha azamattardy qabyldaýǵa arnalǵan alań.
Azamattardy ATT músheleri - memlekettik organdardyń, qoǵamdyq uıymdar men BAQ ókilderi qabyldaıtyn bolady. ATT músheleriniń jumysy men azamattardy qabyldaý boıynsha barlyq jaǵdaı jasalǵan: materıaldyq-tehnıkalyq jabdyqtaý qamtamasyz etilip, otyrystardy, tusaýkeserler men ózge de sharalardy ótkizý úshin konferenszal ashylǵan.
