Sol maqalamyzda «Bálkim, bolashaqta úlken dodalarda kók Týymyzdy kókte jelbiretip, Ánuranymyzdy álemge tyńdatatyn sportshylarymyzdyń biri osy qarshadaı qyz shyǵar? Jeńisteriń kóp bolsyn, Jibek!» degen izgi tilekti barsha oqyrmandar atynan joldaǵan edik. Kúni keshe ǵana Birikken Arab Ámirlikteriniń astanasy Ábý-Dabıden jetken súıinshi habar osy arman-tilegimizdi aqıqatqa aınaldyrǵandaı boldy. О́ıtkeni Ábý-Dabı qalasynda ótken álem birinshiliginiń jasóspirimder arasynda elimizdiń atynan óner kórsetken «Saǵadat Batyr» sport klýbynyń qos birdeı sportshysy el senimin abyroıly qorǵady. Naqtyraq aıtsaq, Jibek Qulymbetova (32 kılo) chempıon atansa, Alına Mahambet (36 kılo) qola medalǵa qol jetkizdi. Sondaı-aq 13 jasar Bekzat Jamanbaı (45 kılo) jaqsy óner kórsetip, álem birinshiliginiń qola júldesine ıe boldy.
Qos sportshy qyzdyń jattyqtyrýshysy Nursultan Orynbasarov álem chempıonatynyń joǵary deńgeıde ótkenin, jarysqa ár memlekettiń úzdik sportshylary ǵana qatysqanyn aıtady. Onyń sózinshe, Jibektiń taza salmaǵy 28 kılo. Alaıda jarys erejesine saı eń kishi salmaq 32 kılo bolǵandyqtan, Jibekke ózinen salmaǵy aýyr sportshylarmen beldesýge týra kelse de bozkilemde kezdesken úsh qarsylasyn da aıqyn basymdyqpen jeńgen.
Jasy 11-ge endi ǵana tolǵan Jibek osyǵan deıin kóptegen respýblıkalyq, halyqaralyq jarystarda top jardy. Endi álem birinshiliginiń altyn medali onyń armanyn odan ári qanattandyra túsetini anyq.
Arman OKTIаBR,
«Egemen Qazaqstan»
ALMATY
