Maqsaty - ǵylymdy, ónerkásipti jáne bıznesti biriktirý. О́ndiristi óńirdiń damý bolashaǵyna arnalǵan forýmǵa elimizdiń jáne jergilikti memlekettik basqarý organdarynyń, damý ınstıtýttary, ulttyq kompanııalar, ınvestısııalyq kompanııalardyń ókilderi qatysty.
Plenarlyq májiliste oblys ákiminiń orynbasary Jaıyq Sharabasov, Aqsý qalasynyń ákimi Nıkolaı Dychko, S. Toraıǵyrov atyndaǵy memlekettik ýnıversıtet rektory Gaýhar Ahmetova sóz sóılep, ekonomıkalyq forýmnyń mańyzdylyǵyna arnalǵan jospar-jobalarymen bólisti.
Otyrys barysynda taýar óndirýshiler turaqty ınvestorlarmen ózara kelissózder júrgizdi. Aýyl sharýashylyǵy salasy da keńinen qamtyldy. Joǵary oqý oryndarynyń ǵalymdary, bıznes ókilderi ózderiniń ınnovasııalyq ǵylymı jobalaryn usyndy.
Forým sońynda qala ákimdigi men memlekettik ýnıversıteti ózara yntymaqtastyq týraly memorandýmǵa qol qoıdy. Rektory G. Ahmetovanyń aıtýynsha, búgingi kúni jańashyl ınnovasııalyq tehnologııalarsyz energııa únemdi jáne energııalyq tıimdi kásiporyndardy kózge elestetý múmkin emes.
- Bul forýmnyń bilim, ǵylymı qaýymdastyq jáne óńirdiń óndiris alyptary ókilderiniń qatysýymen ótip jatqany qýantady. Bizdiń ýnıversıtet shaǵyn jáne orta bıznes kásiporyndarymen birlesip jumys isteý jolynda seriktes bolýǵa daıyn. Ǵalymdarymyz óńirdiń iri ónerkásipterinde zamanaýı tehnologııalardy damytýǵa óz jobalaryn usynýǵa ázir, - deıdi.
Seksııalyq otyrystarda ýnıversıtet ǵalymdary energetıka, metallýrgııa, qurylys, hımııalyq tehnologııalar jáne aýyl sharýashylyǵy salalary boıynsha baıandama jasady. Ýnıversıtetterdiń tehnologııalyq kásipkerlik jáne qaıta óńdeý ónerkásibiniń damýyna sep bolatyn ǵylymı-tájirıbelik jobalary qatysýshylar tarapynan qyzyǵýshylyq týdyrdy.
Ýnıversıtet pen men Aqsý qalasynyń ákimdigi arasyndaǵy yntymaqtastyq maqsatynda memorandýmǵa qol qoıyldy. Kelisim negizinde birlesken ǵylymı jáne zertteý qyzmetin júzege asyrý, semınarlar men arnaıy kýrstardy uıymdastyrý, oqytýshylyq-professorlyq quramnyń biliktiligin arttyrý múmkindigi, sondaı-aq, áleýmettik seriktestikti damytý kózdelgen.
Forým sońynda Aqsý jáne qalaǵa qarasty aýyldardyń da áleýmettik-ekonomıkalyq damýy tanystyrylyp, jergilikti kásiporyndardyń ónimderi kórsetildi.
Farıda BYQAI,
«Egemen Qazaqstan»
Pavlodar
