Aksııaǵa oblysy ákimi apparatynyń «Qoǵamdyq kelisim ortalyǵy» kommýnaldyq memlekettik mekemesiniń bólim meńgerýshisi, saıası ǵylymdarynyń kandıdaty Sáýlet Sahıev, «Nur Otan» partııasynyń Qyzylorda qalalyq fılıaly «Daryn» bastaýysh partııa uıymynyń tóraǵasy Abýnasyr Aldabergenov jáne oblystaǵy ártúrli etnos ókilderiniń jastary qatysty.
Alqaqotan jıynda «Qoǵamdyq kelisim ortalyǵy» kommýnaldyq memlekettik mekemesiniń bólim meńgerýshisi Sáýlet Sahıev Qazaqstan halqy Assambleıasynyń osy jyldar ishindegi jetistikterin Assambleıa Tóraǵasy, Elbasy Nursultan Ábishuly Nazarbaevtyń eńbegimen ushtasyp jatqandyǵyn aıtty. Memleket basshysynyń «Bolashaqqa baǵdar: rýhanı jańǵyrý» atty maqalasynda kórsetilgen mindetterdi júzege asyrýǵa múmkindik beretin negizgi tirek retinde «Jańa gýmanıtarlyq bilim. Qazaq tilindegi 100 jańa oqýlyq» jobasynyń mańyzdylyǵan toqtaldy.
- Bul joba gýmanıtarlyq bilimniń barlyq baǵyty boıynsha dúnıe júzindegi aldyńǵy qatarly oqý oryndarynda qoldanylatyn álemdegi eń tańdaýly 100 oqýlyqtyń qazaq tiline aýdarýǵa arnalǵany bizdi qatty qýantty. Bul -ulttyq bolmysymyzdy saqtap qana qoımaı, odan ári damytyp, álemdik órkenıet kóshine ilesýdiń alǵy sharttary. Sondyqtan oqýlyqtar stýdentter úshin de, oqytýshy mamandar úshin de taptyrmas kómekshi qural bolatyny sózsiz»,- dedi ol.
Jıynda jastar elimizde jasalyp jatqan jumystarǵa jaqsy baǵasyn berdi. Ońdy ózgeristerge ózderiniń de atsalysyp jatqandyqtaryn aıtty.
Baqtııar TAIJAN,
«Egemen Qazaqstan»
