Mańyzdy mindet mejesi

Kókshetaýda jer qaty­nas­tary jáne jerge ornalastyrý máseleleri jóninde aımaqtyq jınalys ótti. Jıynda Aqmola oblysy ákiminiń birinshi orynbasary Q.Otarov óńir­ara­lyq jumys­tarǵa sholý baıan jasasa, Jer resýrstaryn basqarý agent­tiginiń Jer resýrstary jáne jerge ornalastyrý memlekettik ǵylymı-óndiristik RMK bas dı­rektory Á.Begmanov el Tá­ýel­siz­digi talap­taryndaǵy ma­­ńyzdy mindetterge qatysty aqparattarmen bólisti. Jer qatynastary mem­leke­timizdiń basym baǵyttaǵy saıa­saty sanalady. Bul tur­ǵyda atqarylǵan abyroıly ister az emes. Áıtkenmen, Qa­zaqstan­nyń údemeli damý úr­disteri atal­ǵan máse­le­niń bas­ty nazarda ustalyp, jetildire tú­sýdi talap etetini belgili. Osy jaıly RMK quqyqtyq qam­tamasyz etý jáne memlekettik satyp alý basqarma­sy­nyń  bas­tyǵy N.Salybekov, Aq­mola oblys­tyq jer qaty­nastary basqar­masynyń bas­tyǵy E.Ahmetov, Aqmola, Qa­ra­ǵan­dy ob­lystary jáne Astana qalasy boı­ynsha óńir­aralyq jer ıns­peksııasy bas­tyǵynyń oryn­basary A.Qadyr­álı­na, Aq­mola oblysy boıynsha sa­lyq de­partamen­tiniń bastyǵy D.Nurmoldın, oblystyq sáýlet jáne qala qurylysy bas­qar­masynyń bas­tyǵy V.Felbelt óz oıla­ryn ortaǵa saldy. Búgingi kúni Aqmola obly­synyń aý­maǵynan ótetin «Ba­tys Sibir-Ortalyq» gaz quby­ry­nyń qurylysyna tehnı­ka­lyq-ekonomıkalyq turǵydan kó­mek kórsetý aıasynda Astana, Petropavl, Qaraǵandy qa­lala­ryn qamtıtyn magıs­tral­dy gaz jelisiniń jumys jos­pary kelisildi. Buǵan qosa «Kókshetaý-Pet­ropavl» av­to­kólik jolyn aıaqtaý, Astana qa­lasynyń ja­syl jelek aı­maǵyn keńeıtý, «Býrabaı», «Buı­rataý» memlekettik ult­tyq tabıǵat parkteri men «Qor­ǵal­jyn» memlekettik qory­ǵy­nyń qorǵanys aýmaǵyn jáne jer paıdalaný shekara­la­ryn belgileý máseleleri tal­qy­lanyp, jumys sapasyn artty­rýǵa qa­tys­ty tapsyrmalar berildi. Á.Begmanov Aqmola ob­lys­­tyq memlekettik jerge orna­lastyrý ınstıtý­tynyń dırek­tory Q.Rysqulovqa ja­ńa qyz­metinde tabys tiledi. Baqbergen AMALBEK. Aqmola oblysy.