«Otanymyz – ortaq úıimiz» atty ólke shyǵarmashylyq ujymdarynyń merekelik konsertteri, etno-mádenı birlestikterdiń ulttyq qol óner buıymdarynyń kórmesi, qala kásipkerleriniń merekelik jármeńkesi men túrli sporttyq sharalar ótti, Qashaǵan eskertkishinen «Astana» alańyna deıin qala kásiporyndary men mekemeleri eńbek ujymdarynyń sherýi uıymdastyryldy.
– Bul – beıbitshilik pen dostyqtyń, birlik pen berekeniń, yrys pen yntymaqtyń belgisin aıshyqtaıtyn mereıli meıram. Kúni keshe ǵana Astanada ótken Qazaqstan halqy Assambleıasynyń HHVI sessııasynda Elbasymyz Nursultan Ábishuly Nazarbaev: «Bes áleýmettik bastama – qoǵamnyń áleýmettik birliginiń tuǵyry» dep atap ótti. Bul «Bes bastama eldiń ál-aýqatyn jaqsartýmen birge, ultty uıystyra túsýdiń taǵy bir qyry – áleýmettik birlikti nyǵaıtýǵa baǵyttalǵany» sózsiz. Birinshiden, Elimizdegi ekonomıkany damytýǵa, elimizdiń barlyq turǵyndarynyń ál-aýqatyn arttyrý. О́ńirdegi halyqtyń ıgiligine arnap jasalynyp jatqan barlyq áleýmettik, mádenı jáne sport nysandaryn salý. Mereke qarsańynda oblysymyzda birqatar mańyzdy nysandar boı kótergendigin atap ótken artyq emes dep esepteımin. Ekinshiden, Áleýmettik kapıtalǵa salynatyn ınvestısııa kólemin arttyrý. Bizdiń oblysymyzda bul baǵytta atqarylyp jatyrǵan jumystar az emes. Bir ǵana dálel ınvestısııa kólemi ótken jylmen salystyrǵanda 80,2 paıyzdan 101 paıyzǵa kóterildi. Byltyr kásipkerlikti qoldaý kartasynyń aıasynda óńirimizde 5 joba iske qosyldy (jalpy quny 70,7 mlrd teńgeni quraıtyn 419 jumys orny ashyldy). Bıyl 2018 jyly taǵy bes jobany iske qosý josparda, – dedi Mańǵystaý oblysynyń ákimi Eraly Toǵjanov.
Sondaı-aq, tennıs ortalyǵynda Er Qosaı batyrdyń qurmetine dzıýdodan halyqaralyq týrnır ótti. Merekelik tartýlar M.О́skinbaev atyndaǵy oblystyq fılarmonııanyń konserttik baǵdarlamasymen jalǵasty. Sonymen qatar, qala saıabaqtary men alańdarynda fleshmobtar jáne ár-túrli formatta sharalar ótkizildi.
Birlik kúnin ereshke atap ótken oblys turǵyndary kóktemniń shýaqty merekeleri – Otan qorǵaýshylar kúni men Jeńis meıramyna daıyndyqty bastap ketti.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
