Depýtattar usynylǵan kandıdatýrany qoldady. Maqat aýdanynyń jańa ákimin tanystyrǵan oblys ákimi kandıdatýra QR Prezıdent ákimshiligimen kelisilgenin atap ótti.
Aımaq basshysy jańa ákimniń memlekettik qyzmette atqarǵan túrli laýazymdardaǵy tájirıbesi aldyna qoıylǵan mindetterdi oryndaýǵa múmkindik beretinine senim bildirdi.
Nurlan Noǵaev Maqat aýdanynyń burynǵy ákimi Berikqalı Sársenǵalıevke atqarǵan jumysy úshin alǵys aıtty.
Aıta keteıik, Gýbkın atyndaǵy Máskeý ýnıversıtetiniń túlegi, tehnıka ǵylymdarynyń kandıdaty Jumabaı Qaraǵaevtyń memlekettik qyzmet pen jeke sektorda 19 jyl eńbek ótili bar. Ár jyldary Atyraý, Mańǵystaý oblystarynda jeke kompanııalardy basqardy, Atyraý qalalyq ákimdiginde TKSh, jolaýshylar kóligi jáne avtomobıl joldary bólimderine jetekshilik etti. Keıin Atyraý qalasy ákiminiń orynbasary bolyp taǵaıyndaldy. Atyraý oblystyq memlekettik satyp alý basqarmasyn basqardy. 2017 jyldyń basynan beri Atyraý oblystyq energetıka jáne TKSh basqarmasyn basqaryp keldi.
