Kezdesý barysynda Aýǵanstan basshysy qazaqstandyq tarapqa jáne Prezıdent Nursultan Nazarbaevtyń jeke ózine Aýǵanstandy qaıta qalpyna keltirýge, elde beıbitshilik pen qaýipsizdik ornatýǵa baǵyttalǵan barlyq halyqaralyq jáne óńirlik bastamalarǵa únemi kórsetip otyrǵan qoldaýy úshin alǵysyn bildirdi. Ol Kabýl úshin Qazaqstannyń Ortalyq Azııadaǵy eń iri áriptes retinde erekshe mańyzdylyǵyn atap ótti. Buǵan onyń tek 2017 jyly Astanaǵa eki ret saparmen kelýi jáne Qazaqstan Prezıdentimen kelissózderi dálel.
Aýǵanstan Prezıdenti eki el arasyndaǵy saýda-ekonomıkalyq yntymaqtastyqty tereńdetýdiń qajettigin basyp aıtty. Qazaqstandyq kásipkerlerdi aýǵan naryǵyna bıdaı jetkizý, Aýǵanstan aýmaǵynda dıirmen salý, ken ónerkásibi, elektr energııasy, temirjol salalarynda jobalardy júzege asyrý boıynsha belsendi is-qımylǵa shaqyrdy. О́z kezeginde, aýǵan taraby Qazaqstan naryǵyna jemis-jıdek pen jańǵaq túrlerin jetkizý kólemin ulǵaıtýǵa ázir.
Á.Esengeldıev Aýǵanstan Prezıdentine qonaqjaılyǵy úshin alǵys bildirip, Elbasy N.Nazarbaevtyń Aýǵanstanǵa nazaryn, sonyń ishinde Qazaqstannyń BUU Qaýipsizdik Keńesindegi turaqty emes músheligi sheńberinde aıryqsha mańyz berip otyrǵanyn atap aıtty. Elshi memleketter arasyndaǵy ekijaqty qatynastardy odan ári keńeıtýge kúsh salýǵa daıyn ekenin jetkizip, sondaı-aq Kaýldyń eldegi jaǵdaıdy qysqa merzimde qalpyna keltirý isin odan ári qoldaıtyny jónindegi Astananyń ustanymy týraly málimdedi.
Budan bólek, Qazaqstan elshisi sol kúni Aýǵanstannyń Syrtqy ister mınıstri Salahýddın Rabbanımen jeke kezdesý ótkizip, taraptar ekijaqty jáne kópjaqty yntymaqtastyǵynyń keń aýqymdy máseleleri boıynsha pikir almasty.
«Egemen-aqparat»
