«Sýbsıdııaǵa elektrondy ótinish berý krossvord oıyny sııaqty. Kim kezdeısoq sheshse sol sýbsıdııaǵa qol jetkizedi, kim sheshe almasa túksiz qalady» dedi keńes otyrysynda kelgen Fedorov aýdanyndaǵy sharýa qojalyǵynyń jetekshisi Iýrıı Malyshko. Ol áńgime kásipkerdiń servıspen jumys isteı almaıtyndyǵynda emes, minagro.kz portalynyń durys jumys istemeıtindiginde ekendigin aıtty.
«Kásipkerlerdiń málimetinshe, jer telimi 300 gektar bolsa, ol jer kadastry málimetteri bazasynda 0,2 gektar dep kórsetiledi. Bul bazada jer teliminiń bir bólegi kórsetilmeı qalady. Sondaı-aq 2003 jylǵa deıin memlekettik jer aktysyn geografııalyq koordınatyn bekitpeı, shekarasyn belgilemeı bergen» dedi Qostanaı oblystyq kásipkerler palatasynyń eksperti Teńiz Qabaqov. Sondyqtan aýdandyq ákimdikter kásipkerlerge jer telimi týraly jańa úlgidegi akt alýdy usynady. Jer kadastry departamenti talap etip otyrǵan jerge ornalastyrý jobasy kásipkerlerge 80000 teńgege túsedi.
«Aýdan ákimderi sharýa qojalyqtaryn biriktirip, sharýashylyqtardy irilendirýde kóp jumys istedi. Fedorov aýdanynda 300 sharýashylyqtan qazir qazir 70-i qaldy. Qazir sol 70 sharýashylyqtyń barlyǵy da kereǵar qıynshylyqpen betbe-bet kelip otyr. Olardyń barlyǵy da BIN boıynsha aryzyn ótkize almaı júr» dedi Malyshko.
Kásipkerlerdiń quqyn qorǵaý jónindegi oblystyq keńestiń tóraǵasy Vladımır Shakýn jergilikti jerde qalyptasyp otyrǵan jaǵdaıdy Kásipkerlerdiń ulttyq palatasyna, Aýyl sharýashylyǵy mınıstrligine jáne ózge de múddeli qurylymdarǵa jetkizýdi usyndy. Sonymen qatar jer aktisin ózgertý isin saralaý úshin ony Memlekettik qyzmet jáne sybaılas jemqorlyqqa qarsy is-qımyl jónindegi oblystyq departamentine jiberýdi uıǵardy.
«Bul jaǵdaıdy kásipkerlerdiń problemalyq máseleleri tizimine engizetin bolamyz» dep keńesti tujyrymdady Qostanaı oblystyq kásipkerler palatasynyń dırektory Murat Ábenov.
Názıra Járimbet,
«Egemen Qazaqstan»
Qostanaı
