Sotqa deıingi júrgizilgen tergeý boıynsha anyqtalǵandaı, 25.11.2017 jyly saǵat 13.00 shamasynda О́zen-Bastaý stansııasynyń 7-tosqaýylynda ornalasqan kúzetiletin temirjol ótkelinde kezekshilikte turǵan E.T. Bopaı stansııasynan О́zen stansııasyna qaraı 65 km/saǵ jyldamdyqpen baǵyttalǵan poezd teplovozyna qaýip joq ekeni týraly belgi bermegen, alaıda temirjol ótkelinde avtomatty túrde dybys sıgnaly jáne baǵdarsham iske qosylǵan, kezekshi shlagbaýymdy tiregishine symmen baılap tastaǵandyqtan, shlagbaým túspegen jáne ótkel bóget qurylǵysy (ÝZP) kóterilmegen.
Osy sátte kezekshilikte bolǵan E.T. araq ishken mas kúıinde dybys sıgnalynyń qosylǵanyna qaramastan, qaýipsizdik qaǵıdalaryn saqtaýǵa mindetti bola tura, kezekshi otyratyn pýnktten shyqpaı, shlagbaýmdy tómen túsirýge áreket jasamaǵan. Nátıjesinde Jańaózen qalasynan Tenge kentine qaraı temirjol ótkelinen ótip bara jatqan №3 marshrýt baǵytyndaǵy jolaýshylar tasymaldaıtyn «GAZ-322132» markaly avtokóligi tyıym salynǵan jol belgisine ótip ketip,teplovozben soqtyǵysyp, jol kólik oqıǵasy oryn alǵan. Oqıǵa saldarynan 9 adam aýyr dene jaraqattarynan qaıtys bolǵan jáne 27 adam ártúrli aýyrlyqtaǵy dene jaraqattarymen aýrýhanaǵa jetkizilgen.
E.T.-nyń qorǵaýshysy T.Bısekeshovtyń iske qatysýdan bas tartýyna baılanysty kelesi sot otyrysy keıinge qaldyryldy, dep habarlady Jańaózen qalalyq sotynyń baspasóz qyzmeti.
