2018–2022 jyldarǵa arnalǵan salalyq «Sıfrlyq temir jol» strategııasynyń atqarylý barysy týraly «Qazaqstan temir joly» UK» basshysy Qanat Alpysbaev baıandady.
Q. Alpysbaev Kompanııanyń júk, jolaýshylar tasymaly, temir jol ınfraqurylymy jáne kólik logıstıkasy syndy negizgi operasııalyq segmentterinde zamanaýı aqparattyq júıelerdiń óndiriske engizilip jatqanyn habarlady.
«Sıfrlyq temir jol» strategııasy 21 jobanyń oryndalýyn kózdeıdi, onyń ekeýi «Sıfrlyq Qazaqstan» memlekettik baǵdarlamasy boıynsha iske asyrylýda», —dedi «QTJ» basshysy.
Jolaýshylar tasymalynda tapsyrys berýshilerge kórsetiletin qyzmet sapasyn arttyrý kózdelgen. Jolaýshylar tasymalynda elektrondy bılet alý tehnologııasy balamaly túrde ınternet resýrsyn paıdalaný arqyly júrgiziledi. Poıyzdardaǵy bos oryndar ashyq kórsetiledi, «kútý paraǵy» jáne «poıyzdar reıtıngi» fýnksııalary bar. Qazirgi tańda 17 myńnan astam termınal qamtylǵan. 2017 jyl qorytyndysy boıynsha jalpy bılet satyp alýdyń 64%-in elektrondy bıletter qurady. Muny 2020 jylǵa deıin 90% jetkizý josparlanyp otyr.
«Qazirgi tańda klıentterdiń ótinimderin 24/7 rejıminde ortalyqtandyrylǵan basqarý jelisin engizý josparda bar, bul klıentterdiń aryz, shaǵymdaryna jedel áreket etýge múmkindik berip, keri baılanysty damytady», — dedi Q. Alpysbaev.
Mýltımodaldyq tasymaldar salasyndaǵy sıfrlandyrý prosesteri tranzıttik konteınerlik tasymaldy damytýǵa baǵyttalǵan. Qazirgi tańda elektrondy bırjaǵa arnalǵan biryńǵaı platforma qurylǵan. Oǵan 1700-den astam klıent qatysýda. «Qorǵas — Shyǵys qaqpasy» AEA prosesterin avtomattandyrý júıesi engizilgen. Bul kóliktiń ótýin 10 mınýttan 30 sekýndqa deıin qysqartty. Qatysýshylardyń tirkelý kezindegi shyǵynyn €2000-dan €200-ǵa deıin qysqartyp, jemqorlyq qaýipterin tómendetedi.
«Tapsyrys berýdi óńdeý ýaqytyn qysqartý men asa ońtaıly logıstıkalyq baǵdardy anyqtaý maqsatynda «bir tereze» qaǵıdasy boıynsha mýltımodaldi tasymaldardy basqarýdyń biriktirilgen platformasy engizilip jatyr», — dedi Q. Alpysbaev.
Júkti temirjol tasymaldaryna da aqparattyq júıeler engizilýde. Olar tasymaldaý prosesin uıymdastyrýdyń tıimdiligin arttyrady, taýarlardy ýaqytynda jetkizýdi jáne olardyń qaýipsizdigin qamtamasyz etedi, basqa temirjol ákimshilikteriniń shekaralaryn kesip ótý rásimderin jeńildetedi.
«Kompanııa júkterdi onlaın rejımde qadaǵalaý qyzmetterin engizdi, júk qaýipsizdigin qamtamasyz etetin jáne júktiń ruqsat etilmegen qol jetkizý áreketterine tez arada jaýap qaıtaratyn elektrondy qulyp qurylǵylarynyń júıesin, « Kelisimsharttyq jáne kommersııalyq jumys» avtomattandyrylǵan júıesin engizdi. Júk tasymaldaý úshin 100% «qaǵazsyz» ótinish berý, sondaı-aq QR QM KKD «Astana-1» aqparattyq júıesimen biriktirý júzege asyryldy», — dep málimdedi Q. Alpysbaev.
Kompanııada «Sıfrlyq temir jol» aıasynda shyǵyndardy ońtaılandyrý, joldyń sıfrlyq dıagnostıka jobasyn engizý, poıyzdardyń qozǵalysyn jáne 17 temir jol vokzalynyń sıfrlyq servısterin basqarý ortalyǵynyń jumysyn jetildirý sharalary júrgizilip jatyr.
Aldyn ala baǵalaý boıynsha, Strategııa jobalaryn iske asyrýdan túsetin jalpy ekonomıkalyq tıimdilik 115 mlrd teńgeni quraıdy.
«Sıfrlyq Qazaqstan» memlekettik baǵdarlamasynyń jobalaryn tabysty júzege asyrý elimizdiń logıstıkalyq ahýalyn jaqsarta túsedi», — dep atap ótti Q. Alpysbaev.
