Baǵdat Ǵazızulynyń aıtýynsha, búginde Almatyda týrızmniń 5 salalyq qaýymdastyǵy bar. Qala ákimdigimen birlesip týrıstik nysandardy tizimdeý júrgizildi, óńirlik qaýymdastyq qujattandyrylǵan. Ekologııalyq jáne etno-týrızm – Almaty qalasynyń negizgi týrıstik ónimderi. Almatynyń ekologııalyq jáne etno-týrızminiń ekonomıkalyq áleýeti sheksiz. Týrızm jáne syrtqy baılanys basqaramasy ekologııalyq jáne etnotýrızmdi damytý maqsatynda 6 ekologııalyq týrıstik tropqa abattandyrý júrgizildi: Medeý – Kimasar, Medeý – Gorelnık, Medeý – Kókjaılaý, Medeý – Býtakovka, Halyqtyq soqpaq, Almataý – Býtakovka.
Qazaq ulttyq qolónerin jańǵyrtý jáne onyń tanymaldylyǵyn arttyrý maqsatynda «Qazaq-Oner» qolóner sheberleriniń Ortalyǵy ashyldy.
Taý marshrýty engizilgen mobıldik qosymshany ázirleý jáne «Ethnoland» etno-mádenı kesheniniń qurylysy josparlanǵan. Keshenniń bet beınesi retinde Jibek Jolyndaǵy ortaǵasyrlyq qala «Almatý» alynady, kóshpendi mádenıet pen zamanaýı úrdis qabystyralady, - dedi Baǵdat Telebaı.
Almaty qalasynyń kásipkerler palatasyqaladaǵy «Týrıstik aqparattyq ortalyǵy» JShS birlesip týrıstik nysandardy túgendeý jumysyn júrgizdi, 2544 týrısti nysan zertteldi. Bul túgendeý-tekserý jumystarynyń qorytyndysy boıynsha Týrızm jáne syrtqy baılanys basqaramasy «Týrızmdi damytýdyń 100 qadamy» baǵdarlamasynyń jobasy men ony júzege asyrýdyń josparyn daıyndady.
Josparlanǵan is-sharalar aıasynda yntymaqtastyqqa jańa áýe kompanııalary men loýkosterlerdi tartý (FinnAir, WizzAir, BritishAirways, KLM, Etihad, Easyjet), sheteldik saıacattaýshylar úshin vıza berý prosesin ońtaılandyrý, týrısterdi aqparattandyrý júıesin damytý men qoldaý, Almaty qalasy brendiniń evolıýsııasy engizilgen marketıngtik strategııany ázirleý, tabıǵı kórikti jerler, ulttyq saıabaq pen qoryqtardyń aýmaǵyn abattandyrý, qonaqúı, eko-ferma ashatyn jáne jumys ornyn quratyn sharýaqojalyqtary úshin jeńildikter men artyqshylyq baǵdarlamasyn ázirleý, shıpajaılar men demalys bazalarynyń jaǵdaıy men qyzmet sapasyn standarttaý jáne jetildirý, mýzeı, galereıa, teatrlar men basqa da mádenı oryndardy damytý jáne óristetý bar.
– Joǵarydaǵy baǵdarlamany iske qosý 2018 jyldyń II toqsanyna josparlanǵan. Bizdiń mindetimiz jergilikti atqarýshy organmen birlesip, týrısterdiń qalaǵa kelýinejaıly jaǵdaı jasaý, – dedi brıfıngte Baǵdat Telebaı.
Aınash ESALI,
«Egemen Qazaqstan».
ALMATY
