Kúndeı kúrkirep ótken soǵystyń jarasy máńgilik este. Ekinshi dúnıe júzilik soǵysta 50 mln.-daı adamnyń ólgeni jaıly derekter aıtylyp júr. Mine, soǵys salǵan zobalań.
О́rimdeı jastyǵyn soǵys jalmaǵan ardagerler men tyń eńbekkerleriniń erligi eshqashan umytylmaq emes.
Jaqynda oblys ákimi Qyrymbek Kósherbaev qart maıdangerlerdiń biri Bóribaı Qulmanovtyń úıinde bolyp, jeńis kúnimen quttyqtady.
Uly Jeńis merekesine oraı, UOS ardagerleri men tyl eńbekkerlerine materıaldyq jáne áleýmettik kómek kórsetýge oblystyq jáne jergilikti bıýdjetten 422,3 mln. teńge qarajat bólingen. Atap aıtsaq:
37 - Uly Otan Soǵysy ardagerlerine - 192400 teńgeden, Uly Otan Soǵysy jyldarynda janqııarlyq eńbegi men minsiz qyzmeti úshin KSR Odaǵynyń ordenderi men medaldarymen nagradtalǵan 82 adamǵa - 120250 teńgeden, Uly Otan Soǵysy jyldarynda keminde alty aı qyzmet etken 5382 adamǵa 72150 teńge mólsherinde birjolǵy materıaldyq kómek kórsetildi.
Ardagerlerdiń eńbegi osylaısha ulyqtalyp jatyr.
Baqtııar TAIJAN,
«Egemen Qazaqstan»
Qyzylorda oblysy
