Memleket basshysy Nursultan Nazarbaevtyń Qazaqstan halqyna arnaǵan «Qazaqstannyń úshinshi jańǵyrýy: jahandyq básekege qabilettilik» atty Joldaýynda negizgi basymdyq – eńbek naryǵyn jańǵyrtý dep atap kórsetti.
- Búgin mine oblysymyzǵa arnaıy kelip, ózderiniń 1300 astam bos jumys oryndaryn usynyp, baǵdarlamanyń tetikterin túsindirýge, shaqyrýǵa kelgen Qostanaı oblysynyń ákim Arhımed Begejanulyna jáne qonaqtarǵa úlken rahmet aıtamyn. О́tken jyly oblysymyzdan Soltústik óńirlerge memlekettik qoldaý sharalarynyń kómegimen 20 otbasy 76 adam qonys aýdardy. (onyń ishinde Soltústik Qazaqstan oblysyna - 16, Pavlodar oblysyna - 16, Shyǵys Qazaqstan oblysyna - 25, Qostanaı oblysyna – 19). Sondaı-aq aǵymdaǵy jyldyń aqpan aıynda oblystyń aýdandary men qalalarynda Qostanaı, Pavlodar, Soltústik Qazaqstan oblysynyń jumys berýshileri men aýdandyq ákimdikteri ókilderiniń qatysýymen erikti qonys aýdarý jáne bos jumys oryndarynyń jármeńkeleri uıymdastyryldy, dedi Mańǵystaý oblysynyń ákimi Eraly Toǵjanov.
Jármeńke barysynda Qostanaı oblysynyń ákimi Arhımed Begejanuly qonys aýdarýshylarǵa memleket tarapynan kórsetiletin kómekti keńinen túsindirdi. Sondaı-aq, ol qonys aýdarýǵa nıetti azamattarǵa óńirdegi bos jumys oryndaryn usyndy.
-2018 jyly Qostanaı oblysy boıynsha 1365 mamanǵa suranys bar: agronom - 60, júrgizýshi – 146, veterınar– 56, bala baqsha tárbıeshisi – 135, aýla sypyrýshy – 65, júk tasýshy -47, mehanızator – 259, kúzetshi – 66, qara jumysshy – 192, dánekerleýshi – 100, qurylysshy – 63, traktorıst – 98, dánekerleýshi - 154 jáne t.b. Buǵan deıin shaqyrylǵan mamandardy 1ornalastyrdyq. Birlesken jumystar óz nátıjesin berýde, dedi Arhımed Begejanuly.
Jańaózen qalasynda ótken Qostanaı oblysyna erikti qonys aýdarý jáne bos jumys oryndary jármeńkesine 300-deı adam qatysyp, 20 otbasy (67 adam) qonys aýdarýǵa nıet bildirdi.
Aǵymdaǵy jyly aqpan aıynda oblystyń aýdandary men qalalarynda Qostanaı, Pavlodar, Soltústik Qazaqstan oblysynyń jumys berýshileri men aýdandyq ákimdikteri ókilderiniń qatysýymen bos jumys oryndarynyń jármeńkeleri uıymdastyrylyp, 2000-ǵa jýyq bos oryndar usynylǵan. Osy sharanyń nátıjesinde, Soltústik Qazaqstan oblysyna 23 otbasy, ıaǵnı 78 adam; Pavlodar oblysyna 59 otbasy, ıaǵnı 202 adam; Kostanaı oblysyna 89 otbasy, ıaǵnı 333 adam, barlyǵy 171 otbasy 613 adam kóshemiz dep nıet bildirdi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
