Madrıdtiń «Real» klýbynyń bas jattyqtyrýshysy Zınedın Zıdan «Lıverpýl» shabýylshysy Mohamed Salahty satyp alǵysy keletinin aıtty.
AS basylymnyń habarlaýynsha, 25 jastaǵy fýtbolshyny satyp alý úshin komandanyń barlyq ókili óz kelisimderin bergen. Klýb basshylyǵynan bastap, jattyqtyrýshylar shtaby men fýtbolshylarǵa deıin. Osylaısha, mysyrlyq fýtbolshy «Realdyń» jazdaǵy negizgi transferi bolmaq.
Infantıno kishi álem chempıonatyn uıymdastyrmaq
FIFA prezıdenti Djannı Infantıno halyqaralyq fýtbol týrnırlerine túbegeıli modernızasııa jasaýdy oılastyrýda.
Reuters aqparat agenttiginiń habarlaýynsha, Infantınonyń josparynda Konfederasııalar kýbogy joq. Ol bul týrnırdiń ornyna ár 2 jylda bir ret, ıaǵnı taq jyldary 8 qurama qatysatyn kishi álem chempıonatyn ótkizýdi kózdep otyr. Týrnırdiń aty «Segizdik fınal» dep atalyp, alǵashqy oıyndy 2021 jyldyń qazan-qarasha aıynda ótkizý josparlanýda.
Infantınonyń «Segizdik fınal» týrnıri boıynsha usynysyna FIFA aqyldastar alqasy kelisimderin berýi kerek.
Floıdtyń rekordyn qaıtalady
Taılandtyq boksshy Vanheng Menaıotın kásipqoı bokstaǵy 50-shi jekpe-jeginde jeńiske jetip, amerıkalyq boksshy kishi Floıd Meıvezerdiń rekordyn qaıtalady.
Menaıotın kásipqoı bokstyń eń jeńil salmaǵynda (47,6 kg) WBC beldigi boıynsha álem chempıony. Ol 50-shi kezdesýin WBC belbeýine negizgi úmitker Leroı Estradaǵa qarsy ótkizip, besinshi raýndta nokaýtpen jeńdi. Sóıtip ol 50 kezdesýinde jeńiske jetip, Meıvezerdiń rekordyn qaıtalady.
Esterińizde bolsa, Meıvezer 2017 jyldyń tamyz aıynda UFC ókili Konor MakGregorǵa qarsy óziniń 50-shi kezdesýin ótkizip, tehnıkalyq nokaýtpen basym túsken-di.
