Otansúıgishtikti, tabıǵatqa degen qamqorlyqty nasıhattaýdy maqsat etetin mańyzdy sharany Almaty qalasy Medeý aýdanynyń ákimdigi, Tabıǵı resýrstar jáne tabıǵatty paıdalanýdy retteý basqarmasy, Bilim basqarmasy MQKM Jas natýralıster stansasy uıymdastyryp otyr.
Festıvaldiń demeýshisi, jasyl-jelekterdi otyrǵyzyp, olardy kútýmen aınalysatyn «Grın Land» JShS dırektory G.Á. Qaldybaeva «Maqsatymyz – sırep bara jatqan qyzǵaldaq túrlerine degen qamqorlyqty, nasıhatty kúsheıtý, qyzǵaldaqtar merekesin ótkizý arqyly Qyzyl kitapqa engen qyzǵaldaq túrlerin kóbeıtý», dep atap ótti. Qazirgi kezde atalǵan kompanııa mamandarymen ósirilgen 10 myń qyzǵaldaq Almaty qalasyndaǵy eki saıabaqta jaıqalyp tur.
Al jabaıy jáne sırek kezdesetin ósimdikter álemin zertteýmen aınalysatyn bıolog-ǵalym A.A. Ivashenko festıvalge qatysýshylardy ósimdikterdi aıalaýǵa shaqyrdy.
– Búginde álemde gúldiń 110-ǵa tarta túri kezdesedi. Elimizdiń baı ólkeli qyrattarynda 42 túri ósedi. О́zge elderde kezdespeıtin túrleri Qyzyl kitapqa engen. Al Qazaqstannan kóshirilgen gúldiń sorttary elý-júz jyl jasaıtyn bolsa, elimizdiń tabıǵaty aıasynda jaıqalǵan jabaıy qyzǵaldaq túrleri mıllıondaǵan jyldar jaıqalyp tura bermek. Sondyqtan olarǵa adamzattyń qamqorlyǵy asa qajet, – dedi ǵalym.
Elvıra SERIKQYZY,
«Egemen Qazaqstan»
ALMATY
