О́ńir basshysy Qostanaı oblysynda aýyl sharýashylyǵyna mehanızator, júrgizýshiler, aýyldarǵa muǵalimder men dárigerler, basqa da mamandyq ıeleri jetispeıtindigin aıtqan. Qazir óńirde 952 jumys orny óz ıesin kútip turǵanyn jetkizgen.
Arhımed Begejanuly málimdegendeı, qonys aýdarýshylarǵa Qostanaı óńirinde memleket tarapynan barlyq jaǵdaı jasalady. Sonymen qatar Qostanaı qalasynyń irgesindegi Mıchýrın jáne Glazýnov eldi mekenderinde kásipkerler kelgenderge turaqty jumys pen baspana berýge daıar otyr. «Bizde barlyǵy 1700 den asa jumys orny bar. Sonyń 20 paıyzy aýylda, 17 paıyzy qurylysta, 13 paıyzy óndiriste mamandardy kútedi. Men Qostanaı oblysyna kóshkisi keletin, sonda jumys istep, bolashaqta sol óńirdi meken etkisi keeltindermen kezdesý úshin keldim. Baspana jóninen eshqandaı qıyndyq bolmaıtynyn aıtqym keldi» dedi Arhımed Muhambetov.
Sonda kásip asham degenderge shaǵyn nesıeler beriletinin, oblysta bul úshin 1 mıllıard teńge bólingenin de aıtty óńir basshysy. Qostanaıǵa qonys aýdarǵan otbasylarynyń ár múshesine memleketten 84 175 teńge bólinedi, jyl boıy jalǵa alǵan úıiniń aqysy tólenedi.
Bıyl Qostanaı oblysyna elimizdiń ońtústik jáne batys, shyǵys oblystarynan 272 otbasy qonys aýdaratyn bolady. Bul burnaǵy jyldarǵa qaarǵanda 10 ese kóp. 15 otbasy qazirdiń ózinde kelip, qonystanyp jatyr.
Názıra Járimbet,
«Egemen Qazaqstan»
Qostanaı
