Mindetti áleýmettik medısınalyq saqtandyrý týraly zańǵa engizilgen ózgeristerge baılanysty jeke kásipkerler qaramaǵyndaǵy eńbekkerler úshin medısınalyq saqtandyrý qoryna aı saıyn aýdarymdar jasaýǵa mindetti. Alaıda, ol erejege baǵynbaı otyrǵandar óńirde az emes.
«Mindetti áleýmettik medısınalyq saqtandyrý týraly zańǵa sáıkes jumys berýshi jalaqynyń 1,5 paıyzy kóleminde qorǵa aı saıyn aýdarymdar jasap turýy tıis. Búginde bul talapty Petropavl qalasy boıynsha bir myńǵa jýyq kásipker oryndamaǵan. Medısınalyq saqtandyrý qoryna tıisti soma aýdarylmasa,adamdarǵa tegin dárigerlik kómek kórsetilmeıdi», deıdi qalalyq memlekettik kirister basqarmasynyń bólim basshysy Natalıa Elmýradova.
Onyń aıtýynsha medısınalyq saqtandyrý qoryna jarna tólemeý ákimshilik quqyqbuzýshylyq bolyp esepteledi. Birinshi ret ereje buzǵan salyq tóleýshige eskertý beriledi. Bank shottary men qarjy operasııalaryna ýaqytsha shekteý qoıylady.
Atalǵan faktiler boıynsha 50 salyq tóleýshige qatysty ákimshilik is qozǵalǵan. 226 jumys berýshi eskertý alǵan.
О́mir Esqalı,
«Egemen Qazaqstan».
Soltústik Qazaqstan oblysy.
