Jýyrda ǵana «Áýlıeata» halyqaralyq áýejaıynda «Máskeý – Taraz – Máskeý» baǵytyndaǵy halyqaralyq reıs qaıtadan iske qosyldy. Endi budan bylaı jolaýshylar Taraz qalasynan Máskeý qalasyna dúısenbi saıyn júıeli túrde usha alatyn bolady. Halyqaralyq reısti qaıtadan S7 Airlines áýekompanııasy iske qosyp otyr. Al «Áýlıeata» halyqaralyq áýejaıynyń pıar-menedjeri Iýlııa Egorovanyń aıtýynsha, bolashaqta Taraz ben Máskeý arasyndaǵy aptalyq reıs sany jıileýi de múmkin. Degenmen, bul usynys áli de talqylaný ústinde eken. Sonymen qatar, maýsym boıynsha jumys isteıtin Taraz ben Máskeý baǵytyndaǵy áýe bıletteriniń baǵasy 40 myń teńgeden bastalady.
«Máskeý – Taraz – Máskeý» baǵytyndaǵy halyqaralyq reıstiń iske qosylý saltanatyna oraı, tarazdyqtar «Áýlıeata» áýejaıynan Máskeýden kelgen 160 jolaýshyny qarsy aldy. Endi keleshekte Taraz qalasynan Reseıdiń Sankt-Peterbýrg, sondaı-aq elimizdiń Aqtaý jáne Atyraý qalalaryna tikeleı ushý baǵyttarynyń múmkindikteri qarastyrylýda.
Hamıt Esaman,
«Egemen Qazaqstan»
Jambyl oblysy
