Jekpe-jek • 05 Mamyr, 2018

Mamyrdaǵy «maıdan»

216 retkórsetildi

Mamyr aıynda elimizde jáne shet memleketterde erejesiz jekpe-jekten birqatar dúbirli doda uıymdastyrylady. Sol baıraqty básekeler barysynda Qazaqstannyń eń myqty sportshylary óner kórsetip, álemdik reıtıngte joǵarylaý úshin barynsha kúsh salady. 

Búgin Máskeýde ASV 86 (Absolute Championship Berkut‏) týrnıri ótetini jaıynda biz buǵan deıin de habarlaǵanbyz. Esterińizge sala keteıik, aıtýly jarysta qos birdeı qandasymyz kúsh synasady. Olar – Arman («Suńqar») Ospanov pen Asyljan («Saq») Baqytjanuly. Biraz jyldan beri óreli ónerimen qazaq jankúıerlerin qýantyp júrgen jartylaı jeńil salmaqtaǵy «Suńqar» sońǵy eki básekede jeńilis tapqan edi. Birinde jaraqatyna baılanysty jeńilse, ekinshisinde tóreshiler bura tartty. Endi Armannyń atoı salatyn kezi keldi. Aldaǵy jarysta «Alash Praıd» klýbynyń sarbazy armenııalyq Akop Stepanıanmen aıqasady. 

Jartylaı aýyr salmaqtaǵy Asyljan Baqytjanulynyń qazirgi qarqyny óte kúshti. Kúni búginge deıin 7 ret aıqas alańyna shyqqan ol birde-bir qarsylasyna bet qaratqan joq. Máskeý tórinde qandasymyz reseılik Músilim Magomedovpen kúsh synasady. 

– Jigitterdiń kóńil kúıi jaq­sy. Arman da, Asyljan da aldaǵy aıqasqa jaqsy daıarlandy. Endi olar osy jarysta jeńiske jetip, barsha qazaq jankúıerlerin qýantýdy kózdep otyr, – deıdi «Alash Praıd» klýbynyń prezıdenti Danııar Qasqaraýov. 

9-12 mamyr aralyǵynda Astananyń 20 jyldyq mereıtoıyna oraı «Kóshpendiler shaıqasy» dep atalatyn halyqaralyq týrnırdiń jalaýy jelbireıdi. Keshtiń bas jekpe-jeginde elimizdiń myqty sportshysy, Azııa men álem chempıony, aıqas alańynda áli de jeńilistiń kermek dámin tatyp kórmegen Shavqat («Nomad») Rahmonov pen Tájikstan tarlany, áıgili «Ahmat» klýbynyń ókili Farıdýn («Termınator») Odılovpen kezdesedi.
12 mamyrda «Alash Praıd» klýbynyń muryndyq bolýymen Qapshaǵaıda birqatar reıtıngtik jekpe-jekter uıymdastyrylady. Alys-jaqyn shetelden kelgen sportshylar qazaqtyń qaısar uldarymen aıqasady. Al basty báseke qyrǵyzstandyq Aqtilek («Alǵyr») Jumabekuly men qazaqstandyq Mahır («Qurysh aıaq») Mamedov arasynda ótedi. 

24 mamyrda Sankt-Peterbýrgte erejesiz jekpe-jek áleminiń kóptegen juldyzdary bas qosady. Halyqaralyq eko­no­mıkalyq forým aıasynda uıymdas­tyrylǵaly otyrǵan M-1 Chal­lenge 92 týrnırinde qazaqtyń saıyn dalasynyń taǵy bir saıyp­qyrany saıysqa túsedi. Ol – Arman Áshimov. Mustafa О́ztúrik degen búrkenshik esimmen tany­mal sportshynyń sońǵy kezdegi qar­qyny qýantarlyq. Ol ózi qatysqan jarystardyń barlyǵyn­da jeńiske jetip júr. Neva ja­ǵa­laýynda Arman pankratıonnan Eýropa chempıony, álem birin­shiliginiń kúmis júldegeri Alek­sandr Doskalchýkpen jekpe-jek­ke shyǵady. Ýkraına sportshy­synyń kórsetkishi – 8 kezdesý, 7 jeńis jáne 1 jeńilis. Osy aıqas barysynda M-1 nusqasy boıynsha álem chempıony anyqtalady. 

Ǵalym SÚLEIMEN,
«Egemen Qazaqstan»

ALMATY
 

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar