Astanada «Temps Lie» atty ha­lyqaralyq balet fes­tı­­vali bastaldy

Osynaý aıtýly oqıǵaǵa oraı «Astana balet» teatry­nyń sahnasynda ótken sal­ta­nat­ty rásimde sóz sóı­legen Máde­nıet jáne sport mı­nıstri Arystanbek Muha­me­d­ıuly alys-jaqyn­nan kel­gen qonaqtardy qyzý qut­tyq­tap, bas qalaǵa bas­qan qadam­daryna sáttilik tiledi. Álemniń ár shalǵaıynan jınal­ǵan áriptesterine utym­­dy joba­syn usynyp otyrǵan atalmysh akade­mııa tikeleı Elbasy Nur­sul­­tan Nazarbaevtyń qol­daýymen qurylǵanyn jáne onyń mádenı-rýhanı ke­ńis­tigimizden oıyp óz ornyn alǵanyn aıryqsha ekpinmen aıtty.

Al Ortalyq Azııada teńdesi joq Qazaq ulttyq horeografııa akademııasynyń rek­tory, qazaqty dúıim dú­nıege tanytqan tulǵa Al­ty­naı Asylmuratova sha­r­­tarap­tan shaqyrylǵan bı mek­tepteriniń ókilderine at sa­byltyp jetkenderi úshin al­ǵysyn bildirdi.

– Bizdiń festıvalde jeń­gen­der de, jeńilgender de bol­maıdy. О́zderińizdi tek óner shekarasyn keńeıte túsý, emen-jarqyn pikirlesý, tá­ji­rıbe almasý, alańsyz ara­lasyp-quralasý, ásemdikti áspetteý maqsatynda shaqyr­dyq. Odan soń árıne qarysh­ty damý dańǵylyna túsken Qazaq­standy, ajarly A­stana­ny, keleshekke qol soz­­ǵan keremet akademııamyzdy kórsetkimiz keldi. Eger siz­­der elderińizge bul jaq­tan ja­sam­pazdyq energııasyn alyp qaıtsańyzdar oıdaǵy isimizdiń oryndalǵany, – dedi ol jarqyn júzi qýanyshtan bal-bul janyp.

Tóbe bıdeı bolyp fes­tıval tórinde otyrǵan már­te­beli meımandar arasynda kózimizge jylyushyraı kó­rin­gen álemdik balet juldyzdary: kezinde Más­keýdiń Úlken teatryn­da já­ne Londonnyń Korol­dik baletinde jahuttaı jar­qyraǵan jampoz Irek Muhamedov pen Reseı­diń halyq ártisi, RF Mem­le­ket­tik syılyǵynyń laýre­aty, kóptegen kórnekti júl­de­lerdiń ıesi, kúni keshege deıin Sankt-Peterbýrgtegi áıgili Marııa teatry­nyń prıma-balerınasy bolǵan Ýlıana Lopatkınany bóle-jara ataǵymyz kelip tur.

Qatty qaıran qalǵa­ny­­myz, sahnanyń qos sań­laǵy tym qara­paıym eken. «Jal bitse, janyna tor­syq baılatpaıtyn» biz­diń keı­­bir isip-kepken jul­dyz­­symaqtarymyzǵa uq­sa­­maıdy. Ásirese Ýlıana Vıacheslavovna jan-jaǵynan ja­patarmaǵaı qaý­ma­laǵan qar­shadaı ul-qyzdar­dy be­tinen qaqpaı, uzaq ýaqyt qol­­tańba bergenine eriksiz elji­reı qaradyq. Jer jarǵan ataq-dań­qyna qaramaı, eshkimdi ja­tyr­­qap jatpady. Tasyr minez ta­nytpady. Tip­ti zalǵa oralýyn ótingen uı­ym­dastyrýshylardyń qu­laq­qaǵysynan keıin de asyǵa qoımady.

Buqaralyq aqparat qu­ral­­daryna bergen suhbattarynda qaı memlekette júrse de, óziniń tatar ekenin udaıy nazarda ustaı­tyn Irek Muhamedov te, ashyq­-jarqyn kórindi.

– Jalpy, Qazaqstanǵa buǵan deıin jolym tús­pep­ti. Asta­na­laryńyzǵa aspan­da­ǵy aı qyzyq­qan­daı. Aka­de­mııalaryńyz she... Ba­la­lardyń baletpen aına­lysý­yna qajet jaǵdaıdyń bar­lyǵy jasalypty. Endi tek, eń­bektene bilýleri kerek. Sosyn bolashaq baletshilerge sát­tilik serik bolýyn tileı­min. Onsyz bolmaıdy, – dedi ta­laıdy kórgen tarlanboz áńgime tizginin tartyp.

Festıval barysynda bal­ǵyn balet bıshileri ataq­ty aǵalary men apaılarynan sheberlik sa­baqtaryn alyp, talaptaryn ush­taıtyn bola­dy. On bir mem­le­kettiń úkile­gen úmitteri óz óner­lerin kór­­­setip, qalamyzdyń kó­rikti jer­lerimen tanysady.

Festıval úzdik nómir­ler­den qurastyrylǵan Gala-kon­sertpen aıaqtalady.