Tarıh úshin mańyzdy baza

Sonymen qatar «Uly Otan soǵysynyń áskerı tutqyn­dary» bazasyna soǵys kezinde tut­qynǵa túsken Keńes Odaǵy sol­dattarynyń fıltrasııalyq is­terinen jáne trofeılik kartochkalarynan alynǵan málimetter qosylǵan. Sondaı-aq atalǵan bazada Ekinshi dúnıejúzilik soǵys­tyń 60 myńnan asa áskerı tut­qynyna qatysty aqparat bar, olardyń basym bóligi nemis tutqynynda qaıtys bolǵan. 

«Uly Otan soǵysynyń áske­rı tutqyndary» servısine ás­ke­rı tutqyndar týraly myna­daı derekter qosylǵan: olar­dyń tegi, aty, ákesiniń aty, týǵan jyly, ulty, týǵan jeri (res­pýblıka, oblys, qala, aýyl), soǵysqa deıin turǵan jeri, jumys orny jáne laýazymy, áskerı ataǵy, qashan jáne qaı­dan shaqyryldy, áskerı bólim­niń ataýy jáne laýazymy, tut­qynǵa alý ýaqyty men jeri, tutqynda bolǵan jeri, mura­ǵat­tyq is nómiri.

Áskerı tutqyndar týraly málimet alý tutqynda qaıtys bol­ǵandardyń týysqandary úshin mańyzdy aqparat bolyp tabylady. Sonymen qa­tar mun­daı tarıhı derekter Uly Otan soǵysy tarıhyn to­lyq­tyrý úshin tarıhshylarǵa, ólketaný­shy­larǵa, jýrnalısterge qajet. 

IIM portalyndaǵy «Uly Otan soǵysynyń áskerı tutqyndary» servısi bizdiń respýblıkanyń ǵana emes, sondaı-aq taıaý jáne alys sheteldiń azamattary úshin de paıdaly bolmaq. 

Áskerı tutqyndardyń sıfr­lanǵan derekter bazasyn qurý, ony jarııalaý tarıhı ádilet­tilikti qalpyna keltirýdegi ıgi is bolyp tabylady.