skrınshot
«Qymbatty qazaqstandyqtar, sardarlar men sarbazdar! Qadirli ardagerler! Barshańyzdy Otan qorǵaýshy kúni merekesimen shyn júrekten quttyqtaımyn. Bahadúr babalar Uly Dalamyzdy aq bilektiń kúshimen, aq naızanyń ushymen qorǵap, bizge amanat etip qaldyrdy. «Urandy eldiń urpaǵy aıbarly keledi» degen dana halqymyz. Búgingi aıbyndy armııamyz úshin eldiń tynyshtyǵyn saqtap, Táýelsizdiktiń qorǵany bolý mártebeli zor mindet. Jaýjúrek jaýyngerlerdiń kóteretin júgi aýyr. Biraq ol abyroıly borysh, qasterli paryz. Qarýly Kúshterimiz halqymyzdyń senimdi tiregi, memlekettiń berik qalqany», dedi Memleket basshysy áskerı paradtyń ashylý rásiminde.
Barsha qazaqstandyqty Otan qorǵaýshy kúnimen quttyqtaǵan Elbasy ár sarbaz Otan qorǵaýshy retinde óziniń el aldyndaǵy erekshe jaýyngershiligin sezinýi tıis ekenin aıtty.
«Jaýyngerlik tý – týǵan jerge adaldyqtyń, erlik pen batyldyqtyń nyshany bolyp tabylady. Qasıetti baıraq rýhy bıik, erjúrek sarbazdardy árdaıym jeńiske jeteleıdi. Baýyrjan Momyshulynyń «Batyrlyq ósken ortaǵa, kórgen tárbıege baılanysty qalyptasady», degen sózi bar. Azamattarymyzdy otansúıgishtikke tárbıeleý isinde áskerı dástúr mańyzdy ról atqarady. Ár sarbaz Otan qorǵaýshy retinde óziniń el aldyndaǵy erekshe jaýyngershiligin sezinýi tıis. Qarýly kúshterimizde jigerli jigitter qataryn aıaýly arýlarymyz da áskerı qyzmetti abyroımen atqaryp keledi. sondyqtan búgingi mereke er azamattarmen qatar sap túzegen qaısar qyzdarymyzǵa da ortaq. Memleket Otan qorǵaýshylarǵa erekshe qamqorlyq kórsetip keledi, kórsete beredi. О́tken jyly áskerı qyzmetkerlerdiń jalaqysy 25 paıyzǵa artty. Áskerılerdi turǵyn úımen qamtamasyz etý máselesi sheshimin óz retimen taýyp jatyr. Munyń bári qarýly kúsh sarbazdarynyń ar-namysymen, aıbynyn arttyrýǵa jol ashady. Sondyqtan men sizderdi áskerı atqa adal bolady dep senemin», dedi Prezıdent.
