«Qurylǵanynan beri 40-tan astam jyl ótken soń IYU musylman áleminiń jan-jaqty kópjaqty qurylymy retinde xalyqaralyq deńgeıde óz abyroıyn nyǵaıtýdy jalǵastyrýda jáne Uıym keńistiginde xalyqaralyq beıbitshilik pen qaýipsizdikti uamtamasyz etý men paıda bolatyn qaýip-qaterge qarsy turý jónindegi strategııalyq dıalog boıynsha áripteske aınaldy», - dep belgilengen qorytyndy deklarasııada.
IYU SIM Keńesi «Turaqty álem, aýyzbirshilik pen damýǵa qol jetkizý úshin ıslamdyq qundylyqtardy ilgeriletý» uranymen ótti.
Qorytyndy deklarasııa musylman áleminiń ózekti máseleleriniń keń tizimin qamtydy.
Deklarasııa múshe-memleketterdi ótken jyly Astanada uıymdastyrylǵan IYU-nyń Ǵylym men texnologııalar boıynsha tuńǵysh sammıtiniń qorytyndylaryn belsendi túrde júzege asyrýǵa shaqyrady. Bólek rezolıýsııada ǵylym, texnologııalar men ınnovasııalardy ilgeriletý baǵytyndaǵy basymdyqtar men usynylatyn is-sharalardy qamtıtyn Sammıt kezinde qabyldanǵan «2026 kún tártibiniń» róli kórsetilgen. «IYU-ǵa múshe memleketterde ǵylym men texnologııalardy damytý úshin stımýl bolatyn» «Bolashaq energııasy» taqyrybyndaǵy «EKSPO-2017» kórmesiniń mańyzy moıyndalǵan.
Aýyl sharýashylyǵy, saýda, týrızm men kólik boıynsha SIM Keńesi rezolıýsııasynda Azyq-túlik qaýipsizdigi jónindegi ıslamdyq uıymnyń (AQIU) Hatshylyǵyn qysqa merzimde iske qosýy úshin Qazaqstan Úkimetine alǵys aıtylǵan. AQIU 5-jyldyq is-sharalar josparyn ýaqytyly jáne tıimdi júzege asyrý úshin laıyqty sharalar qabyldaıtyn bolady. Qazaqstan usynǵan «Islamdyq ınfraqurylymdyq ıntegrasııa bastamasy» úshin is-júzinde júzege asyrý men resýrstardy mobılızasııalaý jónindegi jan-jaqty strategııalyq baǵdarlamany («Jol kartasyn») jasaýǵa qoldaý bildirilgen.
SIM Keńesi Prezıdent Nursultan Nazarbaevtyń «ǵalamdyq daǵdarysqa qarsy sheshimderdi izdeýge qatysatyn elder sanyn keńeıtý arqyly xalyqaralyq ekonomıkalyq saıasatty aıqyndaýdaǵy eń salmaqty kúsh retinde jańa G-Global kommýnıkasııalyq platformasyn qurý» jónindegi bastamasyn qoshemettedi. Rezolıýsııa «basqa mekemelermen úılestire otyryp, Islam Yntymaqtastyq Uıymy men Islam Damý Bankiniń Bas xatshylyqtarynyń G-Global platformasyna qatysý máselesin qarastyrýǵa shaqyrady».
Bólek qujatta Qazaqstan Prezıdenti Nursultan Nazarbaev pen Túrkııa Prezıdenti Redjep Taııp Erdoǵannyń ıslamdyq tatýlasý týraly birlesken dekalarasııasyna qoldaýshylyq tanytylǵan. «SIM Keńesi Qazaqstan Respýblıkasynyń Prezıdenti Nursultan Nazarbaevtyń bastamasymen ótkiziletin Álemdik jáne dástúrli dinder lıderleriniń sezine IYU-nyń qoldaýyn rastaıdy jáne 2018 jylǵy 10-11 qazanda Astanada «Dinı kóshbasshylar qaýipsiz álem úshin» urynymen ótetin VI Sezine IYU-ǵa múshe memleketteri men halyqaralyq qoǵamdastyqtyń dinı kóshbasshylaryn belsendi qatysýǵa shaqyrady», - taqyryptyq qararda aıtylǵan.
Sırııadaǵy jaǵdaı boıynsha qararda IYU «saıası kelissózder úshin tynyshtyqty qamtamasyz etý maqsatynda atysty toqtatý rejımin nyǵaıtý, deeskalasııa aımaqtaryn qurý jáne Astana prosesi arqyly senimdi nyǵaıtý sharalaryn qabyldaý isindegi Túrkııa, Reseı jáne Irannyń kúsh-jigeri men yntymaqtastyǵyn» quptady.
Qarý-jaraqty óńirlik baqylaý jáne qarýsyzdaný jónindegi qarar «IYU-ǵa múshe memleketterinen ǵana turatyn birinshi aımaq bolǵan» Ortalyq Azııada ıadrolyq qarýdan azat aımaq týraly kelisimniń 2009 jyly 21 naýryzda kúshine enýin qoldady. Qujat qaýipsizdik kepildikteri men aımaqtarǵa qatysýshy memleketterdiń tıisti artyqshylyq mártebesin qosa alǵanda ıadrolyq qarýdan azat aımaqtardyń halyqaralyq-quqyqtyq mártebesi týraly máseleni odan ári pysyqtaý jónindegi Qazaqstannyń bastamasyn qoldaıdy. 2014 jylǵy 6 mamyrda BUU Qaýipsizdik Keńesiniń bes múshesi qol qoıǵan Keleńsiz qaýipsizdik kepildikteri týraly kelisimge Hattama óte jýyq arada kúshine enedi degen senim bildirildi.
Qazaqstannyń bastamasy boıynsha burynǵy Semeı ıadrolyq polıgonyna, Halyqaralyq ıadrolyq synaqtarǵa qarsy is-qımyl kúnine jáne Aral teńiziniń aımaǵyn qalpyna keltirýge arnalǵan qarar qabyldandy.
IYU ıadrolyq qarýdy tolyq joıý týraly bólek qararda «Iаdrolyq qarýǵa tyıym salý týraly konvensııa qabyldaý jolyndaǵy mańyzdy qadam retinde bolashaqta ıadrolyq qarýdan azat álem qurý týraly jalpyǵa birdeı deklarasııasyn qabyldaý týraly Qazaqstan Respýblıkasynyń bastamasyn qoldaıdy».
IYU SIM Keńesi jumysyna Syrtqy ister mınıstri Qaırat Ábdirahmanov bastaǵan Qazaqstannyń delegasııasy qatysty. Dakkadaǵy sessııa barysynda belgili Qazaqstan dıplomatty Asqar Mýsınov IYU Bas hatshysynyń Ǵylym jáne tehnologııalar boıynsha orynbasary laýazymyna saılandy.
